ဓမ္မရောင်ခြည်ကြာသပတေးသတင်းစဉ် ၁၉-၁၂-၂၀၁၃

ကွယ်လွန်သူ အဖွားအားရည်စူး၍မလေးရှားရောက်မြေးဖြစ်သူမှကုသိုလ်ပြု၍အမျှဝေစဉ်။
Type your summary here. Type the rest of your post here.

ကြုံရ-ဆုံရ-မလေးရှား-ဘုန်းဘုန်းဘ၀(၉၅)

    သီတဂူဆရာတော်

       မြန်မာပြည်မှ သီတဂူဆရာတော်ကြီးသည် မလေးရှားနိုင်ငံရောက်မြန်မာအလုပ်သမားများမိမိတို့ဌာနေသို့အေးချမ်းစွာ ပြန်နိုင်ရန်ရည်ရွယ်၍ အလှူငွေလှူဒါန်းရန် ၂၄.၆.၂၀၁၃  ညနေပိုင်းမှာကြွရောက်တော်မူလာပါတယ် လေဆိပ်မှ ဆင်းလျင် ဆင်းချင်း မလေးရှား လဝက ရုံးသို့တိုက်ရိုက်ကြွရောက်တော်မူလာပါတယ် ဒီနေ့လဝကရုံးမှာလက်ဗွေနှိပ်ရန် ရောက်ရှိနေ သူများအား ဒုက္ခရောက်နေသည်ဟုကြား၍ရောက်လာခဲ့ရကြောင်း မိမိမှာ အလှူငွေ ကန်ဒေါ်လာ(၁၀၀၀၀၀) ပါလာကြောင်း တတ်နိုင်သလောက်ကူညီပေးသွားမည်ဖြစ်ကြောင်း လက်ရှိ လဝကရုံးတွင်ပေးဆောင်နေရသောဒဏ်ကြေး (၄၀၀)အား သီတဂူအထောက်အကူပြုအဖွဲ့မှဆရာတော်ဦးဆောင်၍ လှူဒါန်းပေးသွားမည်ဖြစ်ကြောင်း ထို့ကြောင့် ယနေ့မှ စတင်၍ အမိမြန်မာပြည်သို့ ပြန်လိုသူများအနေဖြင့် ငွေကုန်ကြေးကျမရှိဘဲ မိမိတို့အိမ်သို့ ပြန်နိုင်တော့မည်ဖြစ်ကြောင်း သတင်း ကောင်းပါးအပ်ပါ၏။
     တရားမဝင် နေထိုင်မှု များကြောင့် မလေးရှားနိုင်ငံ အကျဉ်းထောင် များတွင် အကျဉ်းကျ ခံနေရသော မြန်မာနိုင်ငံသား များ အားလုံး လွတ်မြောက်နိုင်ရန် ဆောင်ရွက်နေကြောင်း သီတဂူဆရာတော် ဒေါက်တာ အရှင်ဉာဏိဿရက  မိန့်ကြား၏ မလေးရှားနိုင်ငံမှာရှိတဲ့ သီတဂူသာသနာပြု အထောက်အကူအဖွဲ့ရဲ့ ကူညီမှုနဲ့ မြန်မာနိုင်ငံသား ၂၀၀ လောက် အကျဉ်း ထောင်ကနေ လွတ်မြောက်လာခဲ့ပါပြီ ဇူလိုင်လ ၁၆ ရက်နေ့ကို ကမ္ဘောဇ လေကြောင်းလိုင်းနဲ့ လူ ၁၇၀ ပြန်လာမယ်” ဟု ဆရာတော်က မိန့်ဆို၏။

     မလေးရှားနိုင်ငံတွင် အလုပ်လုပ်ရန် အတွက် နယ်စပ်များမှ တရားမဝင် (အောက်လမ်း) ဖြင့် သွားရောက်သဖြင့် အဖမ်း ခံရသူများနှင့် ပတ်စ်ပို့၊ ဗီဇာသက်တမ်း ကုန်ဆုံးခြင်းကြောင့် အဖမ်းခံရသူ မြန်မာနိုင်ငံသားဦးရေ လူ ၄၀၀၀ ခန့် မလေးရှားရှိ

အကျဉ်းထောင်များတွင်ရှိနေသေးသောကြောင့် အားလုံးလွတ်မြောက်နိုင်ရေး ကြိုးပမ်းသွားရဦးမည်ဖြစ်ကြောင်း ဆရာတော်

က ဆက်လက် မိန့်ကြား၏။

      မလေးရှားနိုင်ငံတွင် အကျဉ်းကျနေသော မြန်မာနိုင်ငံသားများ ပြန်လာနိုင်ရန် အတွက် မလေးရှားလေဆိပ်ရှိ လူဝင်မှု ကြီးကြပ်ရေးဌာနသို့ ဒဏ်ကြေးငွေအဖြစ် အမေရိကန်ဒေါ်လာ ၄၀၀ နှင့် လေဆိပ် အကောက်ခွန်သို့ ၂၅ ဒေါ်လာပေးဆောင် ရမည်ဖြစ်ပြီး လေယာဉ်ခရီးစဉ်အတွက် ကုန်ကျငွေမှာ မလေးရှားသို့ စင်းလုံးငှား တစ်ကြိမ်ပျံသန်းမှုအတွက် အမေရိကန် ဒေါ်လာ ၄၀,၀၀၀ ကျသင့်မည် ဖြစ်၏။

     ကမ္ဘောဇ လေကြောင်းလိုင်းက မလေးရှားသို့ စင်းလုံးငှားလေယာဉ်ဖြင့် တစ်ကြိမ် ပျံသန်းမှုစရိတ်၏ ထက်ဝက် (အမေရိ ကန်ဒေါ်လာ ၂၀,၀၀၀) ကို ကုသိုလ်ပြု ကျခံပေးပြီး ဇူလိုင်လ ၂၁ နေ့တွင်လည်း မလေးရှားနိုင်ငံတွင် အကျဉ်းကျနေသော မြန်မာနိုင်ငံသားများကို ပြန်လည်ခေါ်ယူမည် ဖြစ်ကြောင်း ဆရာတော် အရှင်ဉာဏိဿရက ရှင်းပြ၏   ဒေါ်လာသုံးသိန်း လောက်ရှိတယ် အားလုံးကို ပြန်ခေါ်နိုင်ဖို့ဆိုရင် နောက်ထပ် ဒေါ်လာနှစ်သိန်းလောက် လိုနေသေးတယ်ဟု ဆရာတော်က မိန့်ဆို၏။

      ဆရာတော်ကြီး၏ မေတ္တာ ကရုဏာကြောင့် မလေးရှားတွင် ဒုက္ခရောက်နေသော မြန်မာတွေ အသက်ရှုချောင်သွားပါ၏ ပြန်ချင်တဲ့ တိုင်းရင်းသားအားလုံးကို အခမဲ့အကူအညီပေးသော ဆရာတော်ကြီးနှင့် ကမ္ဘောဇအဲယားလိုင်း မိသားသားစု ဧရာဝတီဖောင်ဒေးရှင်းတို့အား မလေးရှားရောက် မြန်မာတိုင်းရင်းသားတို့ နှစ်လုံးသားတွင် ထာဝရ ကဗ္ဗည်းထိုးထားမည် ဖြစ် ပါ၏။

အရှင်သဒ္ဓမ္မောဒယ(ကျိုက်လတ်-ရုံးဒေါင့်)

 


Type your summary here. Type the rest of your post here.

ဓမ္မရောင်ခြည်ကြာသပတေးသတင်းစဉ် ၁၉-၁၂-၂၀၁၃

အဖွားဖြစ်သူဒေါ်တင်ရီအားရည်စူး၍မုံရွာသားမှစားသောက်ဆိုင်တွင်ဆွမ်းဆက်ကပ်စဉ်။
Type your summary here. Type the rest of your post here.

ကြုံရ-ဆုံရ-မလေးရှား-ဘုန်းဘုန်းဘ၀(၉၄)

      ဇွန်လ ၁၁-ရက် မြန်မာဝန်ကြီးများအဖွဲ့ရောက်ရှိလာခြင်း

    ဇွန်လ ၁၁-ရက်နေ့ညနေတွင် နိုင်ငံခြားရေးဒုဝန်ကြီး ဦးဇင်ယော်နှင့် အလုပ်သမား အလုပ်အကိုင်နှင့် လူမှုဖူလုံရေးဝန်ကြီး ဌာန ဒုတိယဝန်ကြီး ဒေါ်ဝင်းမော်ထွန်း ခေါင်းဆောင်သည့် အထူးကိုယ်စားလှယ်အဖွဲ့ မလေးရှားသို့ ရောက်ရှိလာပါ၏ နိုင်ငံ တော်အဆင့်လူကြီးတွေ ရောက်ရှိလာသည့်အတွက် မလေးရှားမှာ ဒုက္ခရောက်နေတဲ့ မြန်မာတွေကို နိုင်ငံတော်က ပစ်မထား

ဘူးဆိုတာ ထင်ရှားပါ၏ မလေးရှားရောက် မြန်မာတွေအတွက် ၀မ်းသာစရာ သတင်းထူးပါ။

     ၀န်ကြီးနှင်အဖွဲ့သည် သံရုံးသို့သွားရောက်ကာ သံရုံးတွင်ရောက်နေသော မြန်မာနိုင်ငံသားတွေနှင့် တွေ့ဆုံပြီး မလေးရှား တွင်ဖြစ်နေသော အကြမ်းဖက်မှုတွေကို ကိုယ်တိုင်ကိုကျ မေးမြန်းတာလည်းတွေ့မြင်ရ၏ အဓိကရုဏ်းဖြစ်ခဲ့သေ ဆာလာရန်း ဈေးသို့လည်းသွားရောက်လေ့လာတာတွေ့မြင်ရ၏ ဆာလရန်းဆေးရုံတွင် ဆေးကုသခံယူနေသော အကြမ်းဖက်ခံလူနာအား သွားရောက် ကြည့်ရှုပြီး ငွေကျေးလှူဒါန်းခဲ့လည်းတွေ့မြင်ရ၏။

      မြန်မာလုပ်သားတွေ အလုပ် လုပ်နေသော စက်ရုံတွေသို့ လည်း ကိုယ်တိုင်သွားကာ မြန်မာလုပ်သားတွေ၏ အခက် အခဲကို ကူညီဖြေရှင်းပေးတာလည်း တွေ့မြင်ရပါ၏ တိုင်းပြည်၏ ၀န်ကြီးတယောက် လာရောက်သည့်အတွက် မလေးရှား ရောက်မြန်မာများကို မလေးရှားအစိုးရနှင့် တာဝန်ရှိသူများ တာဝန်မဲ့ လုပ်ရပ်များ ဆင်ခြင်သွားကာ မလေးရောက်မြန်မာများ လည်း အတိုင်မသိ ၀မ်းမြောက်ရပါ၏။

ဧရာဝတီဖောင်ဒေးရှင်း

     ဇွန်လ ၁၂-ရက်တွင် မြန်မာပြည်မှ ဧရာဝတီဖောင်ဒေးရှင်း အမှုဆောင်အဖွဲ့ဝင်များ ရောက်ရှိလာ၏ မလေးရှားနိုင်ငံသို့ ရောက်ရှိနေပြီး မြန်မာနိုင်ငံသို့ ပြန်လိုသော မြန်မာအလုပ် သမားများကို ပြန်ခေါ်နိုင်ရန်အတွက် ဧရာဝတီ ဖောင်ဒေးရှင်းမှ အမှုဆောင် အဖွဲ့ဝင်များနှင့် မလေးရှားနိုင်ငံရှိ လူမှုကူညီရေး အဖွဲ့များ ဇွန် ၁၂ ရက်တွင် တွေ့ဆုံခဲ့ကြောင်းသိရ၏ ကျွန် တော်တို့ အနေနဲ့ ဦးစားပေး အဆင့်တွေ သတ်မှတ်ပြီး ပြန်ချင်တဲ့လူတွေ ပြန်နိုင်အောင် ဒီက လူမှုကူညီရေး အဖွဲ့တွေနဲ့

တိုင်ပင်ပြီး ဆုံးဖြတ်ခဲ့ကြပါတယ် ဟု ဧရာဝတီ ဖောင်ဒေးရှင်း အမှုဆောင်အဖွဲ့မှ ကိုရဲမျိုးဟိန်းက ပြောကြား၏။

      မြန်မာပြည်သားတွေ တကယ်ဒုက္ခရောက်လာတော့ မလေးရှားကို တကယ်လာကူညီတာကို မှတ်တမ်းတင်ရမယ်ဆို လျှင် မြန်မာပြည်မှ တိုင်ရင်းသားဗုဒ္ဓဘာသာ သူဋ္ဌေးကြီးတွေသာ ဦးဆောင်ပြီးလှူဒါန်းကူညီတာကို အများဆုံးတွေ့မြင်ရပါ၏

ဧရာဝတီဖောင်ဒေးရှင်းသည် ငွေကျေးလှူဒါန်းရုံတွင်မကဘဲ သူတို့အဖွဲ့အစည်းတွေ မလေးရှားကို ကိုယ်တိုင်လာပြီး မလေး ရှားရောက်အဖွဲပေါင်းပေါင်းစုံနှင့် စည်းဝေးတိုင်ပင်ပြီး ဒုက္ခရောက်နေသောမြန်မာနိုင်ငံသားတွေကို မြန်မာပြည်ပြန်နိုင်အောင် စီစဉ်ဆောင်ရွက်ပေးခြင်းသည် လူသာဓု နတ်သာဓုခေါ်ရမဲ့ ကောင်းလှသော အစီအစဉ်ဖြစ်ပါ၏။

 


Type your summary here. Type the rest of your post here.

ဓမ္မရောင်ခြည်ကြာသပတေးသတင်းစဉ် ၁၉-၁၂-၂၀၁၃

မလေးရှား-ပူချုန်း-ဂျိုင်းရင်း ဆံပင်အလှပြင်ကိုနိုင်၏မွေးနေ့အလှူ။
Type your summary here. Type the rest of your post here.

ကြုံရ-ဆုံရ-မလေးရှား-ဘုန်းဘုန်ဘ၀(၉၃)

     ဘုန်းကြီးရဲ့ ရန်ကုန်ပရိတ်သတ်တွေက ဘုန်းကြီးဖေ့ဘုတ်စာမျက်နှာရပ်သွားတော့ ဘုန်းကြီး ဘေးအန္တရာယ် ကြုံတွေ့နေ ပြီလို့ ယူဆနေပုံရပါ၏ ဘုန်းကြီးအင်တာနက်ပေါ်တက်လိုက်သောအခါ ရန်ကုန်မှ မဟေမာမောင် (အင်္ဂလိပ်ကျူရှင်ဆရာမ) မှ ဆက်သွယ်လာ၏ ဦးဇင်းဘာဖြစ်လို့ မြန်မာပြည်ပြန်မလာသေးတာလဲ ဒီလောက်အခြေအနေဆိုးနေတာ  ရရာလေယဉ် လက်မှတ်ဖြင့် အမြန်ဆုံးပြန်လာရန် ပြောလာ၏။

      မြန်မာပြည်မှ ပြည်သူတွေသည် သတင်းဂျာနယ်တွေ ရေးတာဖတ်ပြီး မလေးရှားတနိုင်ငံလုံး အကြမ်းဖက်မှုတွေ ဖြစ်နေ သည်ဟု ထင်နေကြ၏ တကယ်တော့ မလေးရှား၏ နာမည်ကြီး ဆာလာရန်းဈေးကြီးတွင်သာ ဖြစ်နေခြင်းဖြစ်၏ တခြားနေ ရာတွေမှာတော့ အနည်းငယ်ရိုက်ခတ်မှုတော့ရှိပါ၏ ထင်သလောက်မဆိုးပါ ဘုန်းကြီးတို့ပူချုန်းသည် ဆာလာရန်းနှင့် ဝေးပါ

၏ ကွာလာလမ်ပူ၏ တောင်နဲ့မြောက်လို အနေအထားမျိုးဖြစ်ပါ၏။

    ဘုန်းကြီးထံ ဆက်သွယ်လာသော ဘုန်းကြီးနှင့်မိသားစုလိုရင်းနှီးသော မဟေမာမောင်အား အကျိုးအကြောင်းရှင်းပြရ၏ ယ္ခုဖြစ်နေသောနေရာနှင့် ဘုန်းကြီးနေသောနေရာသည် တောင်နှင့်မြောက်လိုဝေးပါကြောင်း ရှင်းပြသော်လည်း အမြန်ပြန် လာရန်သာပြောနေ၏ ဘုန်းကြီးတို့ဆိုတာ ဘာသာရေးခေါင်းဆောင်တွေပါ ခေါင်းဆောင်ကောင်းဆိုတာ အရေးကြုံလာလျှင် ရှေ့တန်းက မားမားမတ်မတ်ရပ်တည်ပေးရမှာပါ ဒါမှခေါင်းဆောင်ကောင်း ပီသမှာပေါ့။

   ခေါင်းရှောင်ထွက်သွားလျှင် ဘုန်းကြီးရဲ့ သမိုင်းမှာ အမဲစက်ထင်သွားမှာပေါ့ မလေးရှားရောက်မြန်မာတွေလည်း ဘုန်းကြီး တို့ကို အာကိုးပြီးနေကြတာ တချို့ကလေး တွေဆိုလျှင် ဘုန်းဘုန်းတို့ပြန်လျှင် တပည့်တော်တို့ ဘယ်သူ့သွားအာကိုးရမှာ လည်းဘုရားဟု လျှောက်ထားပြောဆိုသံသည် ဘုန်းကြီးတို့ကို မလေးရှားမှ ရှောင်မထွက်သွားနိုင်အောင် ကြိုးကြီးကြီးဖြင့် ချီ နှောင်ထားသလို ဖြစ်နေပါ၏။

     စာရိုက်နေချိန်မှာဘဲ ကျောင်းဘဲခေါက်သံကြားလို့ သွားကြည့်တော့ မြန်မာဒကာလေးတယောက် ဆွမ်းဂျိုင့်တွေဆွဲလျှက် တွေ့ရှိရ၏ အရေးကြီးတဲ့အချိန်မို့ ကျောင်းကိုလည်း သော့အထပ်ထပ်ခပ်ထားရ၏ ဘုန်းကြီးလည်းကရုဏာဒေါသဖြင့် ဒကာ လေး ဒီလောက်ပြဿနာဖြစ်နေချိန်မှာ ဘာဖြစ်လို့လာရတာလဲဟု ပြောမိ၏ မှန်ပါတပည့်တော်သိပါတယ်ဘုရား မြန်မာပြည် မှာ အမေးဆုံးလို့ ဆွမ်းလာသွတ်တာပါဘုရားဟု လျှောက်၏ သြော်---ငါပြောမိတာမှားပေါ့ဟု ဆင်ခြင်မိ၏။

      ကျောင်းသော့ဖွင့်ပေးပြီး မိဘကျေးဇူးအကြောင်း တရားကို တိုတိုတုတ်တုတ်ဘဲ ဟောကြားကာေ၇စက်ချပေးလိုက်၏ တကယ်အရေးကြီးနေတဲ့အချိန်မှာတောင် မိဘအတွက် အရဲစွန့်ပြီး ဆွမ်းလာသွတ်တာပါလားလို့ ချီကျူးမိပါ၏ ရန်ကုန် အင် တာနက်လိုင်းပေါ်တွင်ရှိနေသော မဟေမာမောင်ထံသို့လည်း နာရေးကိစ္စလာလို့ တရားသွားဟောနေတာပါ ကျေးဇူးတင်ပါ တယ်လို့ စာပြန်ရိုက်၏ ကောင်းပါတယ်ဦးဇင်း ဆိုပြီး စာပြန်ရိုက်လာ၏ သူလည်း မလေးရှားအနေအထား သဘောပေါက် သွားဟန်တူ၏ အမြန်ပြန်လာဖို့ တိုက်တွန်းစကား ရိုက်လာတာမတွေ့တော့ပါ။

     ဇွန်လ ၁၀-ရက် ၁၁-ရက် နေ့များသည် မလေးရှားတွင် အကြိမ်းဖက်တိုက်ခိုက်မှုတွေ မကြားရတော့ပါ မလေးရှား အစိုးရ လည်း အော်ပရစီဝင်ကာ လိုက်ဖမ်းနေသဖြင့် အကြမ်းဖက်သမားတွေလည်း အပြင်မထွက်ရဲ အကြမ်းဖက်ခံရသည့် မြန်မာ တွေလည်း အပြင်မထွက်ရဲမို့ အေးချမ်းလာသည့် အရိပ်အရောင်များ မြင်တွေ့နေရပါ၏ ဘုန်းကြီးတို့လည်း မေတ္တာလည်းပို့ရ ဘေးအန္တရာယ်ကင်းအောင်လည်း ကိုယ်တိုင်လည်းဆင်ခြင်ရ မလေးရှားရောက်မြန်မာတွေကိုလည်း တယ်လီဖုံးဖြင့် အသိ ပေး နှိုးဆော်ရ သတင်းပေးရဖြင့် ဤ မေလအကုန် ဇွန်လဆန်းသည် မလေးရှားရောက် မြန်မာတွေ စိုးတထိတ်ထိတ်နဲ့ ခက် ခက်ခဲခဲ ဖြတ်ကျော်ခဲ့ရပါ၏။

 


Type your summary here. Type the rest of your post here.

ဓမ္မရောင်ခြည်ဗုဒဟူးသတင်းစဉ် ၁၈-၁၂-၂၀၁၃

မလေးရှား-ပူချုန်း-၁၂-မိုင်-ရွှေရတနာမြန်မာဆိုင်သစ်ဖွင့်ပွဲဆွမ်းကပ်စဉ်။
Type your summary here. Type the rest of your post here.

ကြုံရဆုံရ-မလေးရှား-ဘုန်းဘုန်ဘ၀(၉၂)

    သူတို့ကို တိုက်ခိုက်သူတွေဟာ ကိုယ်လုံးကိုယ်ထည် ထွားကျိုင်းပြီး၊ မလေးစကား ပြောကြပေမယ့် ပီသခြင်း မရှိ  မြန်မာ လိုတော့ မပြောတဲ့ အတွက် အိန္ဒိယမှ မွတ်စလင်တွေဟု ထင်မြင်ကြောင်း သူတို့ အလုပ်လုပ်တဲ့ ထီးစက်ရုံမှာ အဆိုပါ လူမျိုး တွေ များစွာရှိကြောင်းကိုလည်း ကိုခင်မောင်ဝင်းမှ ပြောပြ၏ ဓါးဒဏ်ရာပြင်းထန်စွာဖြင့် အရေးပေါ် ဌာန ကွာလာလန်ပူ ဆေး ရုံကြီး တွင်ဆေးကုသမှုခံယူနေရပါ၏ ကိုခင်မောင်ဝင်းဟာဓါးနဲ့အခုတ်ခံထားရလို့ လက်အကြောတွေပြတ်နေတယ်လို့လည်း သတင်းကြားရပါ၏။   

  ယခုမလေးရှား၏ အခြေအနေသည် မြန်မာနိုင်ငံသားများအတွက် လုံခြုံမှု မရှိတော့ပါ မလေးရှားရဲတပ်ဖွဲ့မှ မြို့နယ်များတွင် အော်ပရာစီများပြုလုပ်ခြင်းသည် နိုင်ငံခြားသားများအတွက် အနိုင်ကျင့်ခံရသလို ဖြစ်နေပါ၏ ဖမ်းစီးခံရသူများထဲမှ ခေါ်ယူ စစ်ဆေးခံရသူများအား မလေးရှားရဲများမှ ငွေကြေးတောင်းခံခြင်း တယ်လီဖုန်းများသိမ်းယူခြင်းများနှင့် ကြုံတွေ့နေပါ၏ မလေးရှားရောက် မြန်မာတွေ ဘယ်ဘ၀က ၀ဋ်ကျွေးတွေလဲမသိ လာရောက်ပေးဆပ်နေရတာတော့ အမှန်ပါ။

      ထိုဇွန်လ ၇ ရက်နေ့တွင်ပင် ဆူဘန်းဂျာယာတွင် မြန်မာအလုပ်သမားများအား တိုက်ခိုက်ခဲ့မှုကြောင့် မောင်ဝေအောင် သိမ်း ဆိုသူမှာ ဆေးရုံတက်ရောက် ကုသမှု ခံယူခဲ့ရပြီး ဇွန် ၁၂ရက်တွင် ဆေးရုံမှ ဆင်းသွားပြီ ဖြစ်ကြောင်း သတင်းရရှိပါ၏

ဒီနေ့လည်း မင်းဥာဏ်လင်း ည ၈-နာရီ လာပင့်သဖြင့် ထိုညလည်း အပြင်ထွက်အိပ်ဖြစ်ခဲ့၏ နံက်အာရုံဆွမ်း အေးမာငြိမ်း ကပ်သော ယာဂုဆွမ်းဖုံးပေးပြီး နံက် ၇-နာရီ မင်းဥာဏ်လင်းပြန်ပို့သဖြင့် ကျောင်းပြန်ရောက်ခဲ့ပြန်၏။

    ဇွန် ၈-ရက်

    မလေးရှားတွင် ထို ၈-ရက်နေ့လည်း သတင်းကောင်းသိပ်မကြားရပါ ဆိုးသောသတင်းကိုသာ ကြားခဲ့ရပြန်၏ ဇွန်လ ၁-ရက်နေ့က ထိခိုက်ဒဏ်ရာရပြီး အတွင်းလူနာအဖြစ် အရေးပေါ်ဆေးကုသခံယူနေရသော စောဘာဘလူးဂေး သည် ဇွန်လ ၈-ရက်တွင် ဆာလာရန်းဆေးရုံကြီး၌ ထပ်မံသေဆုံးခဲ့ပြန်၏။

   နောက်တစ်ဦးကတော့ မြန်မာဆရာဝန်တွေ အတော်များများရှိသော Kuantan ကွန်တင်းမြို့ပါဟန်းမှာ ကိုတင်လှိုင်ဆို သည့် မြန်မာတယောက် ဓါးနဲ့ အခုတ်သတ်ခံရပြီး သေဆုံးနေတာကို ရဲကတွေ့ရှိခဲ့ကြောင်း ဒီကနေ့ထုတ် မလေးရှားနိုင်ငံမှာ ထုတ်တဲ့ သတင်းစာတွေမှာ ဖော်ပြလာပါ၏ ပါဟန်းဆေးရုံကြီး ရေခဲတိုက်မှ ကပ်ပုန်းနာရေးကူညီမှုအသင်း အစီစဉ်ဖြင့် မီး သဂြိုလ်ပေးခဲ့ပါ၏။

    ထိုနေ့တော့ ပူချုန်းတစ္စကို အနီးနား ဒကာတွေမှ ဆရာတော်အပြင်သွားမအိပ်ပါနဲ့ဘုရားလို့ လျှေက်ထားလာ၏ ဒီနားမှာ

က ဗမာ-ရခိုင်-ထားဝယ်-မွန်-ကရင်-စသော တိုင်းရင်းသား ဗုဒ္ဓဘာသာတွေ အများဆုံးနေရာဖြစ်ပါတယ် ဒီနေရာက ပိုပြီးလုံ ခြုံပါတယ်လို့ ၀ိုင်းဝန်းလျှောက်ထားကြ၏ တိုင်းမားဆိုင် ဒကာမိုက်ကယ်ဦးဆောင်သော ဆိုင်လုပ်သားများမှလည်း တပည့် တော်တို့ဆိုင်တွင် လူအယောက် ၃၀-လောက်အမြဲရှိပါတယ်ဘုရား ဘုန်းကြီးကျောင်း ပြဿနာရှာမဲ့လူလာလျှင် အမြန်ဆုံးဖုံး ဆက်လိုက်ပါဘုရား လက်နက်ကိုယ်စီနဲ့ ချီတက်လာပါမည်ဘုရားဟု လျှောက်ထား၏။

    ဘုန်းကြီးကျောင်းခမ်း ဖလက်တွင် ဂိန်းဆိုင်တွင်လုပ်သော ရခိုင်ဒကာမှလည်း ဘုန်းဘုန်း ပြဿနာရှာမဲ့သူလာလျှင် ဖုံး ဆက်လိုက်ပါဘုရား တပည့်တော်တို့ ရခိုင်တွေ အယောက် ၂၀-၂၅-ယောက်အမြဲရှိပါတယ်ဘုရားဟု လာရောက်လျှောက် ထားကြ၏ ဘုန်းကြီးလည်း သူတို့အားကိုးနှင့် အပြင်သွားမအိပ်တော့ပါ ထိုနေ့ကစပြီး ကျောင်းမှာပင်အိပ်ပါတော့၏ တကယ် အရေးကြုံလာတော့ တိုင်းရင်းသားတွေ ညီညွတ်တာကိုကြည့်ပြီး ၀မ်းသာမိပါ၏။

     ဇွန်လ ၉-ရက်    

      ဤ ၉-ရက်နေ့မှစ၍ မလေးရှားတွင် အကြမ်းဖက်မှုများ တည်ငြိမ်စပြုလာပါ၏ ဘုန်းကြီး၏ ဖေ့ဘုတ်စာမျက်နှာကိုလည်း ဤအကြမ်းဖက်မှုတွေ စတင်သည်မှစ၍ ခေတ္တရပ်နားထား၏ ယ္ခုရက်အတွင် ကျောင်းမှာလာလုပ်တဲ့ပွဲတွေကလည်း မင်္ဂလာ ပွဲ မွေးနေ့ပွဲတွေချည်းသာ ဖြစ်နေသောကြောင့် မလေးရှား၏ အဆိုးဆုံးရက်တွေမှာ ဘုန်းကြီးကျောင်းမှ အကောင်းတွေတင် နေလျှင် မသင့်တော်တာနဲ့ ဖေ့ဘုတ်စာမျက်နှာ ရပ်နားထားခြင်းဖြစ်၏။

 


Type your summary here. Type the rest of your post here.