ကြုံရ-ဆုံရ-မလေးရှား-ဘုန်းဘုန်းဘ၀(၈၉)

  ဇွန်လ ၄-ရက်

     ဇွန်လ ၄-ရက်နေ့တွင် သတင်းဆိုးတခု ထပ်မံဝင်ရောက်လာပြန်၏ ဆာလာရန်းဈေးသို့ ကုန်စိမ်းသွားဝယ်သော မောင် အောင်မျိုးဦးသည် ကုန်စိမ်းဝယ်ပြီးလို့ ကားပေါ်သို့တင်အပြီး ကားပါကင်တွင် အကြမ်းဖက်လူတစုမှ ၀ိုင်းဝန်းတိုက်ခိုက်ပါ၏ ဦးခေါင်းတွင် ဒဏ်ရာရရှိကာ သွေးများယိုစီးကြလာသဖြင့် ဆာလာရန်းဆေးရုံကြီးသို့တင်ပို့ကာ အတွင်းလူနာအဖြစ် ဆေးကု သခံလျှက်ရှိပါ၏ မောင်အောင်မျိုးဦးသည် မန္တလေးတိုင်း တောင်သာမြိ်ု့နယ်တွင် နေထိုင်သူဖြစ်၏။

    ထိုဇွန်လ ၄-ရက်နေ့တွင် မြန်မာပြည်ဘက်မှ သတင်းကောင်းတခုကြားရ၏ မလေးရှားတွင် အလုပ်လုပ်နေသော မြန်မာ နိုင်ငံသားများ တိုက်ခိုက်သတ်ဖြတ် ခံရမှုအတွက် စုံစမ်းဖော်ထုတ်ပေးရန် မြန်မာ နိုင်ငံခြားရေးဝန်ကြီးဌာနမှ ဒုဝန်ကြီး ဦးဇင် ယော်က မြန်မာနိုင်ငံဆိုင်ရာ မလေးရှားသံအမတ်ကြီး မစ္စတာ အာမတ်ဖိုင် ဆဲလ်ဘင် မိုဟာမက်ကို ဇွန်လ ၄ ရက်နေ့ က သတိထောက်လွှာ ပေးပို့ခဲ့၏။

    ယင်းသတိထောက်လွှာကို မလေးရှားအစိုးရမှ ဘယ်လိုသဘောထားသည်မသိ   ယင်းညမှ စတင်ကာ တရားဝင် အလုပ်

လုပ်နေသည့် မြန်မာနိုင်ငံသားများရော တရားဝမင် အလုပ်လုပ်သည့် မြန်မာ နိုင်ငံသားများကိုပါ အော်ပရာစီဝင်ပါတော့၏ ယခုကဲ့သို့ အလုံးအရင်းနှင့် ဖမ်းဆီးမှုများ ဖြစ်ပေါ်လာခြင်းသည် မြန်မာပြည်အစိုးရ၏ သတိထောက်လွှာကို အကောင် အ ထည် ဖေါ်ပေးတာလားတော့မသိ အဖမ်းဆီးခံရသူတွေသည် မြန်မာတွေသာ အများစုဖြစ်နေတာတွေ့မြင်ရပါ၏။

   ဇွန်လ-၅-ရက်

       သတိပေးပြီး တစ်ရက်အကြာ ဇွန်လ ၅ ရက်နေ့တွင် ကွာလာလမ်ပူ မြို့တော်တွင် စစ်ဆင်ရေး တစ်ရပ် အနေဖြင့် ဖမ်း

ဆီးခဲ့ရာ မြန်မာနိုင်ငံ သား ၁၀၀၀ ကျော် ဖမ်းဆီး ခံခဲ့ရကြောင်း မလေးရှားနိုင်ငံ သတင်းဌာန The Star တွင် ဖော်ပြထား၏ ဖမ်းဆီးခံရသူများ အနက် တရားဝင် အထောက်အထား မရှိသူများကို ဖမ်းဆီး အရေးယူမည် ဖြစ်ပြီး မြန်မာနိုင်ငံသို့ ပြန်ပို့

ခံရနိုင်ကြောင်း မလေးရှားရောက် မြန်မာများထံမှ သိရှိရ၏။

      အော်ပရာစီခေါ် ယင်းစစ်ဆင်ရေးကြောင့် မလေးရှားနိုင်ငံ ကွာလာလမ်ပူမြို့ရှိ မြန်မာ စားသောက်ဆိုင်များ၊ စီးပွားရေး လုပ်ငန်းများ တည်ရှိသည့် Kota Raya အဆောက်အဦးနားတ၀ိုက်တွင်၎င်း အကြမ်းဖက်မှုများ ဖြစ်ပွားခဲ့သည့် ဆာလာယန်း အပါအဝင် မြန်မာ အများစု နေထိုင်သည့် နေရာများတွင်လည်း ဝင်ရောက် စီးနင်းခံခဲ့ရ၏ မလေးရှားတွင် ဖြစ်ပွားသည့် ဆူပူ အကြမ်းဖက်မှုများသည် ပြည်ပရောက် မြန်မာအလုပ်သမားများကို ရိုက်ခတ်မှု ရှိခဲ့သည့်အပြင် မြန်မာနိုင်ငံတွင် မလေးရှား အလုပ်သမား ဈေးကွက်ကိုလည်း ရိုက်ခတ်မှု များရှိခဲ့၏။

     မြန်မာနိင်ငံသားများ၏ လုံခြုံရေးနှင့် ပတ်သက်၍ မြန်မာသံအမတ် ဦးတင်လတ်က မလေးရှားနိုင်ငံ နိုင်ငံခြားရေး ဝန်ကြီး ဌာန ဇွန်လ ၅ ရက်နေ့တွင် တွေ့ဆုံ ခဲ့ကြောင်း မြန်မာသံရုံးထံမှ သိရှိရ၏ အကြမ်းဖက်မှု ဂယက်များကြောင့် မြန်မာ အလုပ် သမား အချို့ ပြည်တော်ပြန်ရန် ပြင်ဆင် နေကြပြီး အချို့မှာမူ နိုင်ငံကူးလက်မှတ် မရှိသဖြင့် ပြည်တော်ပြန်ရန် အခက်အခဲ ကြုံတွေ့နေရ၏ တချို့ကလဲ UN ကပ် ကိုင်ထားသဖြင့် တတိယနိုင်ငံတခုကလဲ မခေါ်သေးဆိုတော့ ဘာလုပ်လို့ ဘာကိုင်ရ မှန်းမသိ ယောင်ဝါးဝါးဖြစ်နေ၏ နိုင်ငံခြားရောက်နေတဲ့ ဒုက္ခကလဲ ကိုယ်တိုင်ကြုံတွေ့ဘူးမှ ခံစားရခက်လှပါ၏။

     ထိုဇွန်လ ၅-ရက်နေ့သည် ကွာလာလမ်ပူရှိ မြန်မာတွေအတွက် အလွန်ကြောက်မက်ဖွယ်ကောင်းသော နေ့တနေ့ဖြစ်၏ ဖမ်းလိုက်သည့် အော်ပရာစီကလည်း တနေ့လုံးကြားနေရ၏ သတင်းတွေကတော့ တနေ့လုံးမကောင်းပါ ဖေ့ဘုတ်က ၀ိုင်းဖွ နေတာလည်းပါ၏ ပူချုန်းကိုလည်း ဒီညအော်ပရာစီဝင်မယ် သတင်းတွေ ဟိုကပို့ ဒီကပို့နဲ့ အကြောင်းကြားလာ၏ ရိုးရိုးအော် ပရာစီဝင်လို့ကတော့ ကိစ္စမရှိ ဘာသာရေးကြောင့် ဖြစ်သည့် ပြဿနာဆိုတော့ ဘာသာရေးကြောင့် ပြဿနာရှာမှာလည်း စိုး ရိမ်ရ၏ ကျောင်းပတ်ဝန်းကျင်ကို သတိထားပြီး အမြဲကြည့်နေရ၏။

       မလေးရှား တရုတ်ရဲအရာရှိတယောက် ကျောင်းကိုရောက်လာ၏ မြန်မာတွေပြဿနာဖြစ်နေ၏ ဒီနေရာကို ပြဿနာ လာရှာမဲ့သူလာရင် ဒီနားမှာ သူအမြဲရှိပါတယ် သူ့ထံဖုံးဆက်ပါလို့ တရုတ်ရဲမှ သူ့ရဲ့လိပ်စာကပ်ပေးကာ ပြန်သွား၏ ဘာပြော ပြော တရုတ်ရဲ၏ ရိုင်းပင်းကူညီမှုသည် မိမိ၏ စိုးရိမ်စိတ်ကို အထိုက်အလျှောက်သက်သာစေပါ၏ လာပြောဖေါ်ရတာကိုက ဘဲ ကျေးဇူးတင်လှပါ၏။

 


Type your summary here. Type the rest of your post here.