၂၃-၆-၂၀၀၈
မေ-၃၀-ရက်တွင်စတင်ခဲ့သော ကော့မူးခရီးစဉ်တွင် တတိယမြောက်ရွာဖြစ်သော
ညောင်ပင်သာရွာသို့ပိန္နဲကံရွာမှထွက်ခွာလာ၏ ရာသီဥတုအခြေအနေမကောင်းပါ
မိုးတွေညို့လာကာလေပြင်းပါတိုက်တော့မည့်အရိပ်အရောင်ပြနေ၏ မိုးကာဝတ်၍
ထီးစောင်းကာလိုက်ပါခဲ့ရ၏ ညောင်ပင်သာရွာသည် အိမ်ထောင်စု၃၄၄ဦးရှိသော
ရွာကြီးဖြစ်၏ နာဂစ်၏ဒါဏ်ကိုတော့ ဤရွာလည်းခံစားရတာကိုတွေ့မြင်ခဲ့၏
အိမ်အမိုးလန် သစ်ပင်တွေလဲဖြင့် ရွာပျက်ပုံစံမျိုးတွေ့မြင်ရ၏ ဖိုးဖဲစုကျေးရွာမှ
၂၅-အိမ်ထောင်စုလည်း ဤရွာတွင်ခေါ်ထားရ၏ စုစုပေါင်းအိမ်ထောင်စု၃၆၉စုကို
ဆန် ဆား ပဲ ဂျင်း စောင် ကျားဝတ်တစုံ မ၀တ်တစုံ ကလေးဝတ်ကျားမတစုံ
အိမ်ထောင်စုတိုင်းရရှိအောင်လှူဒါန်းပေး၏ လူဦရေ ၁၀၀-ခန့်လှူဒါန်းပြီးချိန်တွင်
လေတွေပြင်းထန်စွာတိုက်လာပြီး မိုးပါသီးထန်စွာရွာသွန်းတော့၏ လေဗွေမုန်တိုင်း
တိုက်ခတ်မှုကြောင့်တဲတလုံးနှင့်နွားတကောင်လေထဲပါသွားသည်ဟုလယ်သမား
တဦးမှလာပြော၏ နာဂစ်၏အကြွင်းအကြံလေးကဘုန်းကြီးတို့ကို လာရောက်နှုတ်ဆက်
ဟန်တူပါသည် စေတနာထက်သန်စွာဖြင့် အလှူပေးနေသော
ရန်ကုန်မှဒကာများနှင့် အလှူခံပုဂ္ဂိုလ်ရွာသူရွာသားတို့သည် မုန်တိုင်းငယ်နှင့်မိုးကို
အံတုကာ တပြော်တပါး မိုးရေထဲတွင် မိုးကာတွေအုပ်ဆောင်း၍ လှူဒါန်းနေတာကို
ဘုန်းကြီးအိမ်ပေါ်မှသာကြည့်ရှုရင်းပီတိဖြစ်နေမိ၏ အိမ်ထောင်စုများသောကြောင့်
အတော်ကြာသွား၏ ခရာစုကျေးရွာ ၇၂-နိမ်ထောင်စုနှင့် ခလောက်ခလီရွာ ၁၁၇-အိမ်
ထောင်စုကို အချိန်နောက်ကြတာနှင့် ကော့မူးသန္တာရာမကျောင်းမှဦးတိက္ခကိုတာဝန်
ပေးလျှက်ဝေခိုင်းလိုက်ရ၏ ဘုန်းကြီးတို့ရန်ကုန်အဖွဲ့ကော့မူးသို့ပြန်လာကာရန်ကုန်သို့
ပြန်ကြ၏ အပြန်လမ်းတွင် ဆင်းရဲသောအိမ်၂၅အိမ်ထောင်စုကို သင်္ဘောပေါ်မှပေးခဲ့၏
ဘုန်းကြီးနှင့်ဒကာကျော်သန်းဒကာဖိုးချွန်းတို့သည် နက်ဖြန်ကွမ်းခြံကုန်း
လှူဘို့ဆန်အိပ်၁၀၀ကိုကွမ်းခြံကုန်းသွားပို့တာနှင့်ရန်ကုန်ကိုည၁၁နာမှပြန်ရောက်၏
ရန်ကုန်မြန်မာသိရီလင်္ကာရာမကျောင်တိုက်အကျိုးဆောင်များဖြစ်သော ဒေါ်မြင့်မြင့်စိုး
ဒေါ်ကြည်ကြည်သင်းမိသာစုနှင့်ဆွေမျိုးများ ကိုကျော်သန်း+မမိုးမိုး ဘိုဆန်းမိသားစု
ကိုဖိုးချွန်း ဘောဂမဏ္ဍာန်နှင့်သုခမဏ္ဍာန် အထည်ချုပ်စက်ရုံမိသားစုနှင့် မိတ်ဆွေများ
ကူညီပန့်ပိုးမှုကြောင့်လှူဒါန်းမှုအစဉ်ပြေခြင်းဖြစ်၏ မိတ်ဆွေဘုန်းကြီးတွေ၏လိုက်ပါ
ကူညီမှုကြောင့်ပိုပြီးအစဉ်ပြေလှ၏ ကော့မူးသန္တာရာမကျောင်းမှဝိုင်းဝန်းကူညီမှုကိုလည်း
မှတ်တမ်းတင်ရ၏ ကော့မူးခရီးစဉ်တော့ အောင်မြင်စွာပြီးဆုံးခဲ့လေပြီ ကျပ်သိန်း၆၀ဘိုးကို
အိမ်ထောင်စုပေါင်း၇၀၃-အိမ်ထောင်အားမျှဝေလှူဒါန်းနိုင်ခဲ့ပါသည် မြင်သူကြားသူ
အားလုံးဝမ်းမြောက်ဝမ်းသာသာဓုခေါ်ဆိုနိုင်ပါစေ။
No comments:
Post a Comment