Wednesday, January 19, 2011
ဓမ္မရောင်ခြည်သောကြာသတင်းစဉ် ၂၀-၁-၂၀၁၁
မိဘတ္တော (အမေများနေ့ရည်မှန်းပါသည်)
သားဖြစ်သူကြည်မင်းခန့်ကွယ်လွန်သွားသည်မှာ ၂-နှစ်၊၂-လကြာခဲ့သော်လည်းလစဉ်ဆွမ်းအလှူ
န၀ကမ္မအလှူများလှူဒါန်းနေသောဖခင်ဦးမင်းသန်းxမိခင်ဒေါ်လှလှကြိုင်တို့၏မိဘမေတ္တာမှာ
မိဘမေတ္တာနှင့် မဟာသမုဒ္ဒရာကိုနှိုင်းယှဉ်ခြင်း
+++++++++++++++++
မိဘမေတ္တာ -သမုဒ္ဒရာနှင၊့်
ပမာတိုင်းဆို-နှိုင်းခိုင်းလိုက၊
သမုဒ္ဒရာ-ရေဇလာသည်၊
ပမာရေပေါက်-တပေါက်လောက်သာ၊
ကျန်ကောင်းလိမ့်မည်-ထင်ကောင်းသည်ရှင့်။
မိဘနှစ်ဖြာ-ချစ်မေတ္တာနှင၊့်
ဘယ်ရာမဆို-နှိုင်းယှဉ်လိုက၊
ငြိုးငယ်နောင်တ-မှန်စွာရမည်၊
မိဘမေတ္တာ-မနှိုင်းသာတည်း။
မိဘမေတ္တာနှင့် မဟာသမုဒ္ဒရာကို နှုင်းယှဉ်ကြည့်မယ်ဆိုလျှင် မဟာသမုဒ္ဒရာသည်
ရေတပေါက်လောက်သာ ကျန်တော့သည်ဟု ဆိုထားခြင်းဖြစ်၏ မိဘမေတ္တာသည်
မဟာသမုဒ္ဒရာထက်အဆပေါင်းများစွာ ပိုမိုကြီးမားကြောင်းကိုသိသာထင်ရှားစေ၏၊
မဟာသမုဒ္ဒရာဆိုသည်မှာ အံ့ဘွယ်ရှစ်ဖြာရှိသည်ဟုဆို၏
(၁)ကမ်းစပ်မှစ၍ အစဉ်အတိုင်း နိမ့်လျှောနက်ရှိုင်းသွားခြင်း။
(၂)ရေသည် ကမ်းကိုမကျော်လွန်ဘဲ တည်နေခြင်း။
(၃)အကောင်ပုပ် အမှိုက်သရိုက်တို့ကို ပင်လယ်ထဲတွင်မထားဘဲ ကမ်း ကုန်းအရပ်သို့တင်ပို့ခြင်း။
(၄)မြစ်ကြီးငါးသွယ် မြစ်ငယ်ငါးရာတို့မှ စီးဝင်လာသော ရေဟူသမျှတို့၏ မူလအမည် ပျောက်စေပြီး
မဟာသမုဒ္ဒရာရေဟူသော အမည်တခုကိုသာ ရစေခြင်း။
(၅)မြစ်ကြီး မြစ်ငယ် အင်းအိုင် ချောင်းမြောင်း ကောင်းကင်ဝလာ ရှစ်မျက်နှာမှ အခါမလပ်
မည်မျှပင် မြစ်ရေ မိုးရေတို့ စီးဝင်လာသော်လည်း မဟာသမုဒ္ဒရာ၏ ပြည့်လျှံယုတ်လျှော့မှုမရှိခြင်း။
(၆)ရေချို ရေဖန် ရေငန် ရေခါးဟူ၍ ရသာထွေပြားသည့် ရေများမည်မျှပင်စီးဝင်လာစေ
ဆားငန်ရေဟူသော တခုတည်းသော အရသာကိုသာ ထားရှိခြင်း။
(၇)လောကီရတနာ ၇-ပါး-၁၀-ပါးတို့၏တည်ရာဖြစ်ခြင်း။
(၈)ယူဇနာများစွာကိုယ်ရှိသော ငါးကြီးတို့နှင့်တကွ ရေဘီလူး နဂါး အသူရာနတ်ကြီးများစသည်တို့၏
ကျက်စားရာဖြစ်ခြင်း။
မဟာသမုဒ္ဒရာသည် အံ့ဘွယ်ရှစ်ဖြာနှင့်ပြည့်စုံသလို မိဘနှစ်ပါး၏ ဂုဏ်တော်အနန္တများကလည်း
ပိုပြီးအံ့သြဘွယ်ပိုပြီးချီမွမ်းဘွယ် ပိုပြီးကြည်နူးဘွယ်တွေနှင့် ပြည့်စုံနေတာတွေ့ရ၏။
(၁)သားသမီးကို အရိုး အကြော အသွေး အသားထဲက စိမ့်ပြီး ချစ်တတ်သော သုဟဒယဂုဏ်။
(၂)သားသမီးကို မေတ္တာ ကရုဏာ မုဒိတာ ဥပေက္ခာ ၄-ပါးဖြင့်စောင့်ရှောက်တတ်သော ဗြဟ္မာဂုဏ်။
(၃)သားသမီးကို အသက်စွန့်ပြီးမွေးသောအမေ အသက်စွန့်ပြီးရှာကျွေးသောအဖေ ဖြစ်ရသော ဇနေတ္ထိဂုဏ်။
(၄)သားသမီးကို အေးမြပြီး သန့်ရှင်းကြည်လင်သော မိဘနှစ်ပါး၏ အရိပ်ကိုပေးနိုင်သော ပေါသက ဂုဏ်။
(၅)သားသမီးကို လေပူ နေပူ အအေးဒဏ်မျိုးစုံကို ကာကွယ်ပြီး ပြုစုစောင့်ရှောက်တတ်သော ပေသနန္တိဂုဏ်။
(၆)သားသမီးကို စကားပြောသင်ခြင်း ဘုရာရှိခိုးဆွမ်းကပ်သင်ခြင်း ကြီးသူကိုရိုသေ ငယ်သူကိုငြှာတာတတ်အောင်
သင်ပေးတတ်သော ဒေဿတာရာဂုဏ်။
(၇)သားသမီးကို ဘေးရန်ကင်းစေရန် အသက်စွန့်ပြီး ကာကွယ်စောင့်ရှောက်တတ်သော အာပါဒကာဂုဏ်။
(၈)သားသမီးကို တေးသီခြင်းတို့ဖြင့် သံစဉ်ငြိမ့်ညူးရင်း နှစ်သိမ့်တတ်သော တေသယန္တိဂုဏ်။
(၉)သားသမီးတို့၏ အိမ်ဦးနတ်အရာတွင် မိခင်ဖခင်ဖြစ်ရသော ပုဗ္ဗာဒေ၀တာဂုဏ်။
(၁၀)လက်ဦးဆရာ မည်ထိုက်စွာ ပုဗ္ဗာစရိယမိနှင့်ဖဟု စာရိတ္တမပျက်စီးစေရန် ဘာသာရေးဖြင့်သိမ်းသွင်းတတ်သော
ပုဗ္ဗာစရိယဂုဏ်။
(၁၁)သားသမီးတို့၏ စားဝတ်နေရေးပညာရေး မပူပင်ရအောင် လုပ်ဆောင်ပေး၍ အေးသောအရိပ်ကိုပေးနိုင်သော
ဂေါပါယန္တိဂုဏ်။
(၁၂)သားသမီးတို့မှ ပစ္စည်းလေးပါးဖြင့် ပူဇော်အထူးကို ခံယူထိုက်ခြင်း မိဘဖြစ်ရသော အာဟုနေယဂုဏ်။
(၁၃)ရဟန်းတော်များ မိမိဆွမ်းမစားမှီ မိဘများကို ပထမဆုံးစားစေခြင်း အခွင့်ရရှိသော မိဘဖြစ်ရသော အနာမတ္ထဂုဏ်။
မိဘတို့၏ ထိုဂုဏ်တော်အနန္တတွေကို ဆင်ခြင်သုံးသပ်နိုင်သော သားသမီးတွေသည် မိဘ၏ဂုဏ်ကျေးဇူးကို အထူးနား လည်သဘောပေါက်ကာ ကျေကျေနပ်နပ်ကြီး ပီတိတွေဖြစ်၍ မိဘတို့၏ အံ့ဘွယ်အထူးဟုဆိုနိုင်ပါ၏
Type your summary here.Type the rest of your post here.
Subscribe to:
Post Comments (Atom)
No comments:
Post a Comment