အင်ဒိုနီရှားခရီးစဉ်(၅၂)

မုဆိုးများကလည်း ရှေးခေတ်အမွေအနှစ်ကိုရယူပိုင်ဆိုင်လို၍ ခိုးယူခြင်းလည်းဖြစ်နိုင်ပါ၏ ၀မ်းနည်းစရာ ကောင်းသည်မှာ
ထိုမသမာသူများ၏ လုပ်ဆောင်ချက်များကို ရပ်တန့်အောင်မလုပ်နိုင်ခြင်း သူတို့နောက်ကြောင်းကိုမလိုက်နိုင်ခြင်းဖြစ်၏။
ဗောရောဗုဓော စေတီတော်ကြီးသည် ဗုဒ္ဓရုပ်ပွားတော်များ နံရံထွင်း ကျောက်ထွင်းပန်ချီ ရုပ်လုံးရုပ်ကြွများဖြင့် ပေါ များကြွယ်ဝစွာ ဝေေ၀ဆာဆာ ဖေါ်ပြထား၏ ကျောက်ချပ်ပေါင်း ၁၄၆၀ -ကို Kamadhayu ကာမဓာတု (ကာမဘ၀ - ကာ မဘုံ) နှင့် Rupadhatu -ရူပဓာတု (ရူပဘ၀ - ရူပဘုံ) အဆင့်များ (ဧရိယာ) တွင် ကျောက်ထွင်းပန်ချီကားများကို ထုဆစ်
ကာ ပုံဖေါ်ထားခြင်းဖြစ်၏။
Kamadhatu - ကာမဓာတု (ကာမဘ၀ - ကာမဘုံ)အဆင့်တွင် ကျောက်ထွင်းပန်ချီးကားချပ် ၁၆၀ -ကို ရုပ်လုံးရုပ်ကြွ များဖြင့် ပုံဖေါ်ထား၏ ထိုကျောက်ထွင်းပန်ချီကားများသည် ပင်မစေတီ၏ အောက်ခံကျောက်သားများကို ဖုံးလွမ်းထား၏ ကျောက်ထွင်း ပန်ချီကားများသည် Karmawibangga - ကာမ၀ိဘာဂ မှ ယူထားခြင်းဖြစ်ပြီး အကျိုး အပြစ်၏ နိယာမ သ ဘောတရားနှင့် အနှစ်သာရကို အလေးပေး ဖေါ်ပြထားခြင်းဖြစ်၏။
မကောင်းမှု အကုသိုလ်လုပ်သူများသည် ငရဲတွင်အပြစ်ပေးခံရမည်ဖြစ်ပြီး ကောင်းမှုကုသိုလ်လုပ်သူများသည် ကောင်း
ရာဘုံဘ၀ နတ်ပြည် ဗြဟ္မာပြည်သို့ ရောက်မည်ဖြစ်၏ ထို့ကြောင့် သံသရာမှ လွတ်မြောက်ရန် မြတ်ဗုဒ္ဓ၏ အဆုံးအမများ ကို တာဝန်ကျေပွန်စွာ လိုက်နာကျင့်သုံးသင့်၏ ထိုအဆုံးအမ သြ၀ါဒများကို နောက်တဆင့် Rupadhata - ရူပဓာတု (ရူပ ဘ၀ - ရူပဘုံ) အဆင့်တွင် ကျောက်ထွင်းပန်ချီကားများဖြင့် ဆက်လက်ဖေါ်ပြထားတာကို တွေ့ရှိရမှာဖြစ်၏။
Rupadhatu - ရူပဓာတု (ရူပဘ၀ - ရူပဘုံ) အဆင့်တွင် ကျောက်ထွင်းပန်ချီကားပေါင်း ၁၃၀၀ - ပါဝင်၏ ထို ၁၃၀၀ - ကျောက်ထွင်းပန်ချီကားများကို အောက်ပါပုံစံဖြင့် ဖွဲ့စည်းထား၏။
၁။ ၁၂၀ - သော ကျောက်ထွင်းပန်ချီကားချပ်များသည် Lalitawiastara – (လာလီတ၀စ်တရ) ပုံပြင်များကို ပြောပြ နေပုံဖြစ်၍ ပထမထပ် ပစ္စယံ အဓိက နံရံ၏ အထက်ပိုင်းတွင် ဖေါ်ပြထား၏။
၂။ မြတ်ဗုဒ္ဓ၏ ဗုဒ္ဓ၀င်များကို ဖေါ်ပြထားသော ကျောက်ထွင်းပန်ချီကားချပ် ၁၂၀ - Jataka - ဇာတကနှင့် Awadana – အ၀ဓန တို့သည် ပထမ ပစ္စယံ အဓိကနံရံ၏ အောက်ပိုင်းတွင် ဖေါ်ပြထား၏။
၃။ ၃၇၂ - ချပ်သော ကျောက်ထွင်းပန်ချီကားချပ်များသည် ဇာတကနှင့် အ၀ဓန တို့၏ အစပိုင်းဇတ်လမ်းများဖြစ်၏ ထိုကျောက်ထွင်းပန်ချီကားချပ်များကို ပထမ ပစ္စယံ balustrade ၀ရန်တာလက်ရန်းရှိ နံရံအထက်ပိုင်းတွင် တွေ့ရှိရ၏။
၎။ ၁၂၉ ချပ်သော ကျောက်ထွင်းပန်ချီများသည် ဇာတက နှင့် အ၀ဓန တို့၏ ဇာတ်လမ်း အဆုံးသတ်ပိုင်းကို ပထမ ပစ္စယံ balustrade ၀ရန်တာလက်ရန်းရှိ နံရံအောက်ပိုင်းတွင် တွေ့ရှိရ၏။
Gandawyuha (ဂန်ဒေါ်ယုဟ) ရေးသားထားသော စာညွန်းများအရ ၁၂၈ - ချပ်သော ကျောက်ထွင်း ပန်ချီကားချပ် များသည် ဒုတိယ ပစ္စယံရှိ အဓိက နံရံတွင်ရှိ၏ ထိုဇာတ်လမ်းသည် Sudhana ( သုဓန ) လုလင်၏ ဘုရားဖူးခရီးလှည့် လည်ခြင်း အကြောင်းဖြစ်၏ ဤခရီးသည် အမြင့်ဆုံးဥာဏ် (နိဗ္ဗာန်) ကို ရရန် ခရီးဖြစ်၏ သုဓန သည် သုဇိတာနတ်ပြည်၌
အရိမေတ္တယျ ဘုရား နှင့် တွေ့သည့်တိုင်အောင် မြို့ပေါင်း ၁၁၀ - ကို လှည့်လည်ခရီးသွားခဲ့၏။
မေတ္တယျဘုရားသည် သုဓန ကို ဘုရားနှင့်သက်ဆိုင်သော ခမ်းနားသည့် အဆောက်အဦးးတခုကို ပြခဲ့၏ ထို့ နောက် သုဓနသည် Kutagara (ကုတဂါရ) ကောင်းကင်ဘုံ (နတ်ပြည်)၏ တည်နေရာကိုပြသော Manjucry (မန်ဂျူစရိ)နှင့်တွေ့ ခဲ့၏ နောက်ဆုံး၌ သုဓန သည် Bhadracari (ဘဒြစရိ) အကြောင်းကို အကြံပေးသော Samanthabadra(သမန္တဘဒြာ) နှင့်တွေ့ခဲ့၏။ (မဟာယာန အ၀ဋံသဂိုဏ်းမှ အယူအဆများဖြစ်၏)
၁၀၀ - သော ကျောက်ထွင်းပန်ချီကားများသည် Jataka (ဇာတက) နှင့် Awadana (အ၀ဓန) ၏ ဆက်စပ်ခြင်းများ ကို ဖေါ်ပြထား၏ ဒုတိယပစ္စယံ balustrade ၀ရန်တာလက်ရန်းရှိ နံရံများတွင် တွေ့မြင်နိုင်၏။
၈၈ - ချပ်သော ကျောက်ထွင်း ပန်ချီကားချပ်များသည် နောင်ဖြစ်လာမည့် Maiteya (မေတ္တယျ) ၏ အတ္ထုပတ္တိကို တတိယ ပစ္စယံ အဓိကနံရံတွင် ဖေါ်ပြထား၏။

Type your summary here.Type the rest of your post here.