အင်ဒိုနီးရှားခရီးစဉ်(၅၀)

ပုံစံများဖြင့် တည်ဆောက်ထားတာကို တွေ့မြင်ရ၍ တတိယအဆင့် စေတီငယ် ၁၆-ဆူကိုတော့ စတုရန်းပုံ (သို့) ထောင့် မှန် စတုဂံပုံသဏ္ဍာန် အခေါင်းပေါက် (လှိုဏ်ခေါင်း) ဖြင့် တည်ဆောက်ထားတာကို တွေ့မြင်ရ၏ ဘယ်လိုအဓိပ္ပါယ်မျိုးဖြင့် ကွဲပြားခြားနားအောင် တည်ဆောက်ထားသည်ကို ဘယ်သူမှ သေသေချာချာ မသိကြသေးပါ။
ဗောရောဗုဓော စေတီတော်ကြီး၏ ပင်မစေတီတော်တွင် တည်ဆောက်စဉ်က စေတီအတွင်းပိုင်းကို ပိရမစ်ပုံသဏ္ဍာန်
ကဲ့သို့ တည်ဆောက်ထားသော အခန်းတခန်းရှိခဲ့၏ ထိုအခန်းသည် ယ္ခု အချိန်ထိ ဘာမှမရှိ၍ ၀င်ပေါက်ကို ပိတ်ထားရ၏ ထို ပိရမစ်သဏ္ဍာန် လှိုဏ်ထဲတွင် တချိန်က ရွှေဘုရားကို ဋ္ဌာပနာထားသည်ဟု သက်ကြီးစကား ရှိခဲ့ဘူး၏။
သို့သော် ၁၈၄၉ -ခုနှစ်တွင် ဗောရောဗုဓော၏ အဓိကပင်မစေတီကို Residen Kedu, Harlman (ရိစိဒန် ကီဒူ ဟလ်မန်)
က သိမ်းယူ၍ ဖျက်စီးခဲ့၏ ထိုသို့ဖျက်စီးပြီးနောက် Harlman (ဟလ်မန်) သည် ရပ်ဝေးမှ အစဉ်ပြေပြီး ပြီးပြည့်စုံသော ဗုဒ္ဓ ရုပ်ပွားဆင်းတု တဆူပင့်ဆောင်၍ ထားရန် အမိန့်ပေးခဲ့၏။
တဖန် Dutch (ဒက်ရှ်) အင်ဂျင်နီယာသည် ဗောရောဗုဓောကို ပြန်လည်မွမ်းမံမည့် အလှူငွေများကို ယူဆောင်သွား ပြန်၏ ထို့ကြောင့် ရုပ်ပွားတော်ကို ပြတိုက်သို့ရွှေ့၍ ပူဇော်ထားရ၏ ထိုမှစ၍ ထိုဘုရားကြီးကို မပြီးဆုံးသေးသောဘုရားဟု လူတွေက ခေါ်ဆိုကြလေ၏။
ဗောရောဗုဓော ၏ ပင်မစေတီသည် Tathagata (တထာဂတ) ပြယုဂ်အဖြစ် သရုပ်ဖေါ်ထားခြင်းဖြစ်၏ (တထာဂတ) သည် ၀ိညာဉ်များ ပြန်လာသော အဆုံးအဆ မရှိသော လမ်းဖြစ်၏ ထိုပင်မစေတီ၏ အချင်းသည် ၉.၉၀ -မီတာရှိ၏ ကျောက်သားအမိုး အထက်ပိုင်းကို ထီးပုံစံ အလွှာသုံးလွှာဖြင့် စတင်တည်ဆောက်ခဲ့ခြင်းဖြစ်၏ ယ္ခု အခါ ထိုအလွှာများ သည် သဘာဝဘေး ငလျှင်ဒဏ် မိုးကြိုးဒဏ်တို့ကြောင့် ပျက်စီးယိုယွင်းခဲ့ပါ၏ အနိစ္စသဘော၏ သရုပ်ဖြစ်၏။
ဂေါတမဘုရားမပွင့်မီ ဘုရား ၂၄ - ဆူ ပွင့်ခဲ့ပြီးပြီဟုဆို၏ Manushi Buddha (မနုရှီဗုဒ္ဓ) ကို ဘုရားအစစ် စွမ်းအားရှင်
အဖြစ် မဟာယာန ဘာသာက နားလည်ထား၏ မဟာယာန၏ တရားထိုင်သော ဘာဝနာအဆင့်တွင် Dhyani Buddha (ဒါယနိဗုဒ္ဓ (သို့) ဈာနီဗုဒ္ဓ)ဟုခေါ်သော ဘုရားငါးဆူရှိ၏ ထိုဘုရားငါးဆူသည် ထူးခြားသော အချက်တခုစီဖြင့် ဓမ္မ-တရား
တော်များကို ဘုရားတဆူ တရားတမျိုး ဟောကြားခဲ့၏။
ထို ဈာနီ ဗုဒ္ဓငါးဆူမှာ
(၁) Aksobhua - အက္ခောဘ- မတုံလှုပ် မခြောက်ခြားသောဘုရား၊
ဗောရောဗုဓောဘုရား၏ အရှေ့ဘက်မျက်နှာအရပ်မှ ဖူးမြင်ရသော ရုပ်ပွားတော်များသည် အက္ခောဘဘုရားများဖြစ်၏။
(၂) Ratnasambhawa - ရတနာ သမ္ဘ၀ - ရတနာကျောက်မှ ပေါ်ထွက်လာသောဘုရား၊
ဗောရောဗုဓောဘုရား၏ တောင်မျက်နှာအရပ်မှ ဖူးမြင်ရသော ရုပ်ပွားတော်များသည် ရတနာသမ္ဘ၀ ဘုရားများဖြစ်၏။
(၃) Amitabha - အမိတာဘာ - အနန္တအရောင်အလင်းရှိသောဘုရား၊
ဗောရောဗုဓောဘုရား၏ အနောက်မျက်နှာအရပ်မှ ဖူးမြင်ရသော ရုပ်ပွားတော်များသည် အမိတာဘာ ဘုရားများဖြစ်၏။
(၄) Amogasiddha - အမောဃသိဒ္ဓိ - မရှုံးနိုင် အမြဲ ရန်အောင်သောဘုရား၊
ဗောရောဗုဓောဘုရား၏ မြောက်မျက်နှာအရပ်မှ ဖူးမြင်ရသောဘုရားများသည် အမောဃသိဒ္ဓိ ဘုရားများဖြစ်၏။
(၅) Wairocana - ဝေရောစန - ရောင်ခြည်တော်ဖြင့် တင့်တယ်တော်မူသောဘုရား၊
ဗောရောဗုဓောဘုရား၏ အလယ်ဗဟိုအရပ် တွင်ရှိသောဘုရားများသည် ဝေရောစန ဘုရားများဖြစ်၏ အလယ်ဗဟို ဘုရားဆိုတာ ဘယ်ဘုရားလည်းဟု အတိအကျ ပြောထားတာမတွေ့ရပါ ဈာနီဗုဒ္ဓ ငါးဆူကိုယ်းကွယ်သော နိုင်ငံတွေတွင် ဝေရောစနဘုရားအလယ်တွင်ထားကာ ကျန်လေးဆူ ဘေးမှဝိုင်းရန်ထားတာတွေ့ရ၏ ဤသဘောအရ အလယ်ဗဟို ဘု ရားကို ဝေရောစနဘုရားဟု သာမန်ဆိုထားခြင်းဖြစ်နိုင်၏။
ဈာနိဗုဒ္ဓဘုရားများသည် ပါရမီဖြည့်ကျင့်ရန်မလိုချေ မူလအလိုအလျှောက် ဘုရားဖြစ်ပြီး၍ အာဒိဗုဒ္ဓမည်၏ လူ့ပြည်သို့ တရားဟော ဆင်းကြွခြင်းမရှိ မိမိတို့ကိုယ်စား သတ္တ၀ါတို့ကို ကယ်တင်ရန် ဗောဓိသတ္တ ဘုရားလောင်းများသာ စေလွှတ်
Type your summary here.Type the rest of your post here.