အင်ဒိုနီးရှားခရီးစဉ်(၄၈)

ပထ၀ီသမိုင်းကဆိုပါ၏ ဗုဒ္ဓဘာသာဆိုသော်လည်း ထေရ၀ါဒထက် မဟာယာန၀ါဒ ဗုဒ္ဓဘာသာဝင်တွေက ပိုပြီးအင်အား တောင့်တင်းတာကို တွေ့မြင်ရမည်ဖြစ်၏။
အဘယ့်ကြောင့်ဆိုသော် ဗောရောဗုဓော ဘုရားကြီးသည်ပင် မဟာယာန ကျေးဇူးကြောင့် ပေါ်ထွန်းထွက်ပေါ်လာခြင်း
ဖြစ်သည်ဟု ဗောရောဗုဓော စာအုပ်တွင်ဆိုထား၏ ဗောရောဗုဓောဘုရားသည် မဟာယာနစာပေ၏ ဒသဘူမိသုတ် ဗောဓိသတ္တ ဘုရားလောင်းကျင့်စဉ် ဆယ်ပါးနှင့်အညီ တည်ဆောက်ထားခြင်းဖြစ်၏။
ထိုဒသဘူမိသုတ်ဆိုသည်မှာ--
(၁) Pramudita - ပမုဒိတာ - ၀မ်းမြောက်မှု၊
ဒဿနမဂ် (သောတာပတ္တိမဂ်) ဖြင့် အမြင်မှားများကို ဖယ်ရှား၏ ပုဂ္ဂလသုညတာနှင့် ဓမ္မသုညတာကို ထိုးထွင်းသိ၏
အမြင့်ဆုံး ၀မ်းမြောက်မှုကို ရသောကြောင့် ပမုဒိတာ အဆင့်ဟုခေါ်အပ်၏။
(၂) Vimala - ၀ိမလ - စင်ကြယ်မှု၊
အကျင့်စာရိတ္တ ဖြူစင်၏ စင်ကြယ်သောသီလရှိ၏။
(၃) Prabhakari – ပဘာကရ - ထွန်းလင်းတောက်ပမှု၊
ဘာဝနာမဂ် အထက်မဂ်သုံးပါးဖြင့် အမြင်မှားများကို ဖယ်ရှား၏ ခန္တီပါရမီနှင့်ပြည့်စုံ၏။
(၄) Arcismati - အာစိသမတိ - အကုသိုလ်စိတ် မရှိမှု။ (သို့) ပညာပဒီပ - ပညာဆီမီး၊
အာစိသမတိ - ဗောဓိပက္ခိယ ၃၇ ပါးကိုကျင့်ခြင်း။
ပညာပဒီပ - ပညာ၏ ဖေါက်ထွင်းမြင်နိုင်စွမ်း တိုးလာ၏ ၀ိရိယပါရမီနှင့်ပြည့်စုံ၏။
(၅) Sudurgaya - သုဒုဇ္ဇယ - အပရာဇိတ - မရှုံးနိုင်၊
ရန်သူနှင့် ယှဉ်ပြိုင်ရာ၌ အနိုင်မခံ မရှုံးနိုင်သောအဆင့် ဖြစ်၏ သမာဓိပါရမီနှင့်ပြည့်စုံ၏ သမ္မုတိသစ္စာ ပရမတ္တ
သစ္စာနှင့် လျှော်ညီစွာ စိတ်၏တည်ကြည်မှု သမာဓိနှင့်ပြည့်စုံ၏။
(၆) Abhimuki - အဘိမုခိ - စိတ်အားဖြင့် ရှေးရှုရောက်ခြင်း၊
ပညာပါရမီနှင့်ပြည့်စုံ၏ သန့်ရှင်းမှု ညစ်ပေမှု နှစ်ပါးကို ဥက္ခောပြုနိုင်၏။
(၇) Durangama - ဒူရင်္ဂမ - အဝေးရောက်အောင် သွားနိုင်စွမ်းရှိ၏၊
သာဝကယာနနှင့် ပစ္စေဗုဒ္ဓယာနဟူသော တကိုယ်ကောင်းဝါဒကို စွန့်ပယ်၍ ရှေ့သို့ တဆင့်တက်လာ၏ ဥပါယ
ပါရမီနှင့်ပြည့်စုံ၏ သတ္တ၀ါအားလုံးအပေါ်၌ မဟာကရုဏာရှေ့ထား သနားကြင်နာ၍ သတ္တ၀ါတို့ အကျိုးစီးပွားကို
ဆောင်ရွက်၏။
(၈) Acala - အစလ - မတုန်မလှုပ် တည်ငြိမ်မှု၊
ပဏိဓာနခေါ်သော အဓိဋ္ဌာန်ပါရမီနှင့် ပြည့်စုံ၏ အမှတ်လက္ခဏာကင်းမဲ့သော (အလက္ခဏာ) အမြင်ဖြင့်
အရာရာကိုမြင်၏ လွတ်လတ်စွာ လှည့်လည်သွားလာ၏။
(၉) Sadhumati - သာဓုမတိ - ကောင်းသောဥာဏ်ပညာ၊
အဘိဥာဏ်ဆယ်ပါးကိုရ၏ ဗလပါရမီနှင့်ပြည့်စုံ၏ ကျွတ်ထိုက်သောပုဂ္ဂိုလ် (ဘဗ္ဗ) မကျွတ်ထိုက်သောပုဂ္ဂိုလ်
(အဘဗ္ဗ) ခွဲခြား၍ နေရာတိုင်း၌ တရားဟော၏။
(၁၀) Dharmamegha - ဓမ္မမေဃ - တရားမိုးတိမ်၊
တရားမိုး ရွာသွန်းဖြိုးခြင်းဖြစ်၏ မိုးသည် ညီမျှစွာ နေရာအနှံ့အပြား ရွာသွန်းသကဲ့သို့ တလောကလုံး၌
အညီအမျှ တရားဟော၏။
(ဤ နောက်ဆုံးအဆင့်မှာ ဗုဒ္ဓအားကိုယ်စားပြုနိုင်သော ပြည့်စုံသော ဗောဓိသတ္တအဆင့်ဖြစ်၏)
ဤ ဗောရောဗုဓော ဘုရားကြီးကို ဗောဓိသတ္တကျင့်စဉ် ဒသဘူမိ အဆင့် ဆယ်ဆင့်ဖြင့် တည်ဆောက် ထားသော်

Type your summary here.Type the rest of your post here.