အင်ဒိုနီးရှားခရီးစဉ်(၆၉)

ယာန တရုပ်ကျောင်းကြီးတွေ ခန်းနာထယ်ဝါစွာတွေ့ရ၏ ဤကျောင်းကိုကြည့်ပြီး ဤမြို့သည် တရုပ်စီးပွားရေး၏ အချက်
အချာကြသောမြို့ဟု သဘောပေါက်နိုင်၏ မဒန်မြို့၏ ပါတိတ်ဈေးကွက်ကိုလည်းရောက်ရှိခဲ့၏။
ပါတိတ်ဆိုင်တွေ များလှ၏ ဈေးတွေမေးကြည့်တော့လည်း ဘာလီကျွန်းနှင့် ဆိုလျှင် တ၀က်လောက် သက်သာတာ တွေ့ရ၏ ဘာလီက နိုင်ငံခြားသားတွေ အလာများလို့ဈေးကြီးပုံရ၏ အောင်မြန်မာ ဒကာအောင်မိုးမြင့်+ဒကာမနွယ်နီငြိမ်း
တို့ကိုလည်း ပါတိတ်ဆိုင်တန်းတွင် တွေ့ရပြန်၏ သူတို့လည်းပါတိတ်လာဝယ်သည် ထင်ပါ၏။
နေ့ဆွမ်းကိုစားသောက်ဆိုင် တခုတွင်ကပ်မည်ဟု ဟိုတယ်မှမှာလိုက်သောကြောင့် ၁၀-နာရီအချိန်တွင် ဆွမ်းကပ်မည့် စားသောက်ဆိုင်သို့ ကားဆရာ ကားမောင်းလာ၏ မဒန်မြို့ တရုပ်အဖွဲ့တခုမှ ဆွမ်းကပ်လှူခြင်းဖြစ်၏ သတ်သတ်လွတ်
ဘူဖေး ဆွမ်းဖြစ်၏ ဆွမ်းစားပြီးတော့ မရောက်သေးသော နေရာများလိုက်ပို့၇န် ကားသမားပြောလိုက်၏။
ကားသမားသည် ဟိုင်းဝေးလမ်းတခုပေါ်တက်လာပြီး အတော်ဝေးသော နေရာတခုစီသို့ မောင်းပါတော့၏ ကားဆရာ ပို့ချင်သည်ကား တရုပ်ဘုရားကျောင်းတခုဖြစ်၏ သို့သော် အ၀င်လမ်း ပြောက်သွားတာနှင့် ဟိုင်းဝေးလမ်းဘေး ခေတ္တ ရပ်ကာ လမ်းပေါ်မှသာ ကြည့်ပြီး ဓါတ်ပုံရိုက်ခဲ့ရ၏။
တရုပ်ဘုရားမှအပြန် ဘုန်းကြီးနှင့်ဦးပဏ္ဍိအား မဒန်လေဆိပ်သို့ လိုက်ပို့ခိုင်းရ၏ ၂-နာရီခန့်ရှိပြီ ဖြစ်သောကြောင့် ပြန်ဖို့ အချိန်နီးလေပြီ လေဆိပ်ရောက်တော့ လေဆိပ်တွင်အသင့်စောင့်နေသော တရုပ်အဖွဲ့သည် ရောက်လာသမျှ သံဃာအား
အာလုံးအား လေယဉ်လက်မှတ် ချက်ကင်ကောင်တာ အဲယားပို့တက် စသည်တို့ကို တာဝန်ကျေအောင် အားလုံးဆောင် ရွက်ပေး၏ အားလုံးအစဉ်ပြေကြ၏။
ဘုန်းကြီးတို့ နှစ်ပါးလက်မှတ်ကြမှ ပြဿနာတက်တော့၏ လေယဉ်လက်မှတ် ကန်ဆယ် ဖြစ်နေပြီဟု အကြောင်းပြန် လာ၏ ဘာဖြစ်လို့လည်း ပြန်မေးတော့ အလာတုံးက မစီးခဲ့လို့တဲ့ သင်္ခမ်းစာတခုတော့ ရပြန်ပြီ ဘုန်းကြီးတို့ အင်ဒိုနီးရှား လာဖို့ ပထမ အစီအစဉ်က ကွာလာလမ်ပူ-မဒန် လေယဉ်လက်မှတ်ဖြတ်ထားခြင်းဖြစ်၏ မဒန်မှ- ဂျကာတာသို့ သွားလည် မည်ဟု စီစဉ်ထားခြင်းဖြစ်၏။
သို့သော် ဂျကာတာမှဇင်မာဝင်းသည် ဂျကာတာကို အရင်ကြွရန်လျှောက်ထားသောကြောင့် လေယဉ် လက်မှတ်အသစ် ထပ်ဝယ်ပြီး ဂျကာတာသို့ အရင်ကြွခဲ့ခြင်းဖြစ်၏ မဒန်-ကွာလာလမ်ပူ လေယဉ်လက်မှတ်ကို အပြန်ခရီးစဉ်မှ စီးရန် စီစဉ် ထားခြင်းဖြစ်၏ လေယဉ်လက်မှတ်အရောင်းဋ္ဌာနကို အကြောင်းမကြားမိပါ ဤကဲ့သို့အကြောင်းမကြားခြင်းကြောင့် အပြန်
ခရီးစဉ်လက်မှတ် ကန်ဆယ် ဖြစ်နေခြင်းဖြစ်၏ မှတ်သားစရာ ဗဟုသုတ တခုပေါ့လေ။
တရုပ်အဖွဲ့အား လေယဉ်လက်မှတ် အသစ်ဝယ်လို့ရနိုင်မလားဟု မေးခိုင်းရပြန်၏ ခဏစောင့်ပါ ရပါမည်ဟု ပြန်ပြော သဖြင့် ထိုင်ခုံတွင်စောင့်နေရ၏ လက်မှတ်အစဉ်မပြေလျှင် တညထပ်အိပ်ရမှာ ဖြစ်သောကြောင့် စိတ်ထဲ ကသိကအောင့် တော့ ဖြစ်သွား၏ လေယဉ်လက်မှတ်ဝယ်ရန် ဒေါ်လာ ၁၇၀-ပေးလိုက်၏ အပြန်လက်မှတ်နှစ်ဆောင်ကို တရုပ်အဖွဲ့ ၀င်
ပြောတာနှင့် ဒေါ်လာ ၁၀၀-နှင့်ရလာ၏။
လက်မှတ်ဖိုးပေးလိုက်သော ငွေတွေကိုလည်း တရုပ်အဖွဲ့မှ အားလုံးပြန်လှူ၏ အဲယားပို့တက်တွေလည်း သူတို့ဘဲ အားလုံးလှူ၏ မဒန်တရုပ်အဖွဲ့ ဂရုစိုက်ပုံကတော့ အတော်ကို အားနာစရာကောင်းလှ၏ မဒန်တရုပ်အဖွဲ့၏ ဧည့်ဝတ်ကျေ ပုံ လေဆိပ်အတွင်း ရောက်လာသမျှ သံဃာတွေကို တာဝန်ကျေအောင် ဆောင်ရွက်နေသော သူတို့လှုပ်ရှားမှု ပုံရိပ်တွေ
သည် ဘုန်းကြီး၏ ဘ၀တသက်တာတွင် အမြဲတန်း အမှတ်ရနေမည်ဖြစ်၏။
ဘုန်းကြီးတို့လေယဉ်သည် ညနေ ၄-နာရီ မဒန်မှ စတင်ထွက်ခွါလာ၏ လေယဉ်ပေါ်တွင် သံဃာတွေ တ၀က်ကျော် လောက်ပါလာ၏ မလေးထရန်စစ်ဖြင့် သီရိလင်္ကာ နိပေါ စသော ဆရာတော်တွေလည်းပါ၏ သီလရှင်တွေလည်းပါ၏ မိနစ် ၄၀-ခန့်တွင် ကွာလာလမ်ပူလေဆိပ်သို့ လေယဉ်ဆိုက်ရောက်၏ ဒကာဟန်ထွန်းလာကြိုသော ကားဖြင့် လေဆိပ်မှ ကွာလာလမ်ပူ ပူချုန်း ဓမ္မရောင်ခြည်ကျောင်သို့ ၆-နာရီခန့်တွင် ပြန်လည်ရောက်ရှိပါ၏။
ရေးပြီးချိန်-- ၃၀-၃-၂၀၁၁၊
ထေရ၀ါဒခရီးသည်(ဤစာအုပ်ထွက်ပါပြီ) ဖတ်ချင်သူများ ဓမ္မရောင်ခြည်သို့အလှူခံပါရန်

Type your summary here.Type the rest of your post here.