နို့ကြွေးဆပ်သူ-အာဂလူ(၅၇)

      ယ္ခုလည်း လျှောက်ထားစရာရှိတဲ့ ပုဂ္ဂိုလ်တယောက် ရောက်လာပြန်၏။ ဘုရားဝတ်ပြု ဘုန်းကြီးကိုရှိခိုးပြီးတဲ့ အခါ ဘုန်းကြီးမှ ဒကာတော် ဘာလျှောက်ထားစရာရှိသလည်းဟု မေးလိုက်၏။

ဒကာ--------ဆရာတော်ကို တပည့်တော် အရက်လှူချင်လို့ပါဘုရား။

ဆရာတော်--မလုပ်ပါနဲ့ဒကာ တောင်းပန်ပါတယ်။

ဒကာ--------လက်ခံတော်မူပါဆရာတော်။

ဆရာတော်--မဖြစ်နိုင်လို့ပါဒကာ။

ဒကာ-------တပည့်တော် တကယ်လှူမှာပါဘုရား။

ဆရာတော်--ဘယ်လိုမှ မဖြစ်နိုင်လို့ပါဒကာ။

ဒကာ-------ဆရာတော် တပည့်တော်ကို သနားငဲ့ညှာပြီးအလှူခံတော်မူပါဘုရား။

ဆရာတော်-- ဒကာတော် ဒကာ့ကိုတော့ သနားပါတယ် ဘုန်းကြီးနဲ့ အရက်မအပ်စပ်ပါဘူး။

ဒကာ--------ဆရာတော် တပည့်တော်လှူမှာက အရက်ပုလင်းလှူမှာပြောတာမဟုတ်ဘူးဘုရား။

ဆရာတော်--ဒကာဘဲ အရက်လှူမယ် လျှောက်နေတာလေ။

ဒကာ-------တပည့်တော် အရက်ဖြတ်မယ်ဆိုတဲ့ ဂတိစကားလှူမယ်လို့လျှောက်တာပါဘုရား။

ဆရာတော်--ဒကာက ရှင်းရှင်းလင်းလင်းမှ မလျှောက်တာ ဘုန်းကြီးက အရက်ပုလင်း လှူမယ်ထင်လို့     

    ငြင်းနေတာ။

    ဒီလိုနဲ့ဘဲ သေရည်ဒကာ အရက်ဖြတ်ကြောင်း ဂတိစကားအလှူကို လက်ခံလိုက်ပြီး ဘုရားရှေ့တွင် သစ္စာဆို ကာ သာဓုသုံးကြိမ် ခေါ်ဆိုပေးလိုက်၏။ သို့သော် တလလောက် အကြာတွင် ဒီဒကာ ပြန်ရောက်လာပြန်၏။ ဒီတခါ ဘာလှူအုံး မလို့လည်းဒကာ အရက်ဘဲပြန်လှူမလို့ဘုရား။ အရင်တခါ လှူပြီးပြီလေ၊မှန်ပါဘုရား တပည့် တော် မေ့ပြီးတော့ ပြန်သောက် လိုက်မိလို့ဘုရား။

  ဒါနဲ့ဘဲ ဒုတိယအကြိမ် အရက်ဖြတ်ကြောင်းဂတိစကားကို အလှူခံလိုက်ရပြန်၏။ သြော် -လှူပြီးတာကို မေ့ပြီး ပြန်သောက် မိလို့တဲ့ အရက်မို့လို့ မေ့ချင်ယောင်ဆောင်ပြီး ပြန်သောက်ပုံရပါတယ်။ ဒီနေရာမှာ အဆိပ်သာဆို ဒီအရက်သမား မေ့ပြီး ပြန်သောက်စရာအကြာင်းမရှိ။ အဆိပ်ကိုမေ့သောက်လျှင်တော့ ထာဝရမေ့သွားမှာဖြစ်၏။ အရက်သမား အရက်သာမူးတာ ဒီလို မိမိသေမဲ့ကိစ္စမျိုးကတော့ ဘယ်တော့မှ မေ့မှာမဟုတ်ပါ။

   နောက် သုံးလလောက်ကြာတော့ ဒီအရက်သမား ကျောင်းပြန်ရောက်လာပြန်၏။ ဒကာတော် ဘယ်လိုလည်း အရက် မေ့သောက်ပြန်ပြီလား ဒီတခါ မေ့သောက်တာမဟုတ်ဘူးဘုရား သူငယ်ချင်းတွေ နှိပ်ဆက်လို့ပါဘုရား ဘယ်လိုနှိပ်ဆက်တာလည်း သူတို့ဝိုင်းချုပ်ပြီး အတင်းတိုက်တာနဲ့ သောက်မိသွားလို့ပါဘုရား။

    ဒီတခါလည်း အရက်ဖြတ်ကြောင်း လှူအုံးမလို့လား ဒီတခါ နောက်ဆုံးလှူမှာပါဘုရား။ ဒကာတော့ မူးသလား မသိဘူး ဘုန်းကြီးတော့ ဒကာ ခဏခဏ အရက်လာလှူနေတာနဲ့ မူးချင်သလိုတောင်ဖြစ်လာပြီ။  ဘုရားရှေ့မှာ သစ္စာဆိုထားတာကို သစ္စာအဖျက်ခံပြီး ပြန်သောက်ဖြစ်တယ်ဆိုတာ ဒကာဘုရားကိုလိမ်ရာ ဘုန်းကြီးကိုလိမ် ရာဖြစ်နေ၏။

   သစ္စာဂတိကို မစောင့်ထိမ်းနိုင်လျှင် အရင်ထဲက ဒီအရက်ဖြတ်ကြောင်းကို လှူဖို့မကောင်းဘူး ခုတော့ ဒကာက ဘုရားကိုတော့မေ့တယ် အရက်ကိုတော့မမေ့ဘူးဖြစ်နေတယ် သစ္စာစကားကို လိုက်ဆိုပေးတဲ့ဘုန်းကြီးကိုတော့ မလေးစားဘူး သူငယ်ချင်းအရက်သမားတွေရဲ့ စကားကိုတော့ လေးစားလိုက်နာသလိုဖြစ်နေတယ်။

 


Type your summary here. Type the rest of your post here.