အသုဘနှင့်-ရှုသူ-ပို့သူ(၂၂)

       မာန်မာနအရင်းခံပြီး ဤလိုစိတ်ဓါတ်မျိုး မိမိတို့သဏ္ဍာန်မှာ ရှိမယ်ဆိုလျှင်တော့၊ လူဖြစ်ရှုံးမှာဖြစ်၏။ လူ့ဘ၀ကို ရရှိပြီး၊ ငရဲ၊ တိရစ္ဆာန်၊ ပြိတ္တာ၊ အသူရကယ်၊ ဘ၀ရောက်ရှိလျှင်တော့၊ လူဖြစ်ရှုံးမှာဖြစ်၏။ လူပြန်ဖြစ်လျှင် အရင်းသာတည်း၊ လူ့ထက်မြတ်သောဘ၀ကို ရရှိလျှင်တော့၊ လူဖြစ်ကျိုးနပ်သည်ဟု ဆိုရမှာဖြစ်၏။

       မမြတ်လျှင်နေ၊ အရင်းလောက်ပြန်ရလျှင်လည်း၊ မဆိုးပါဘူး၊ လူ့ဘ၀ကိုတော့ အရှုံးမရှိအောင် နေတတ်ဖို့၊ ဒါန၊ သီလ၊ ဘာဝနာတွေ၊ အားထုတ်ပြီး၊ သေတတ်ဖို့လည်း အရေးကြီးကြောင်းကို၊ သိစေရန် တိုက်တွန်းပါ၏။

သေသည့်အခါ-ဘာပါမှာလဲ

                                     --------------------------------------------------

                                              ၁။ လူ့ဘုံဘ၀-သေကြချိန်ခါ၊

မိမိနောက်အား-ဘာများပါမှာ၊

ကိုယ်တိုင်ရှာထား-စီပွားဥစ္စာ၊

ဘယ်လိုမှ-လှုပ်ထ-မလိုက်လာ။

၂။လူ့ဘုံဘ၀-သေကြချိန်ခါ၊

မိမိနောက်အား-ဘာများပါမှာ၊

ခင်ပွန်းဇနီး-သမီးသားဟာ၊

လိုက်ပို့ကြ-ထိုမျှ-သုဿာန်သာ၊

၃။လူ့ဘုံဘ၀-သေကြချိန်ခါ၊

မိမိနောက်အား-ဘာများပါမှာ၊

ကိုယ်တိုင်ပြုစု-ကောင်းမှုကုသာ၊

အရိပ်သို့-လှုပ်လို့-လိုက်လာမှာ။

၎။လူ့ဘုံဘ၀-သေကြချိန်ခါ၊

မိမိနောက်အား-ဘာများပါမှာ၊

ကိုယ်တိုင်ပြုကြောင်း-မကောင်းမှုသာ၊

အရိပ်သို့-လှုပ်လို့-လိုက်လာမှာ။

၅။ကုသိုလ်ကောင်းမှု-ပြုစုသူသာ၊

သုဂတိဘ၀-လှပကြမှာ၊

မကောင်းမှုပြု-အကုကံဟာ၊

အပါယ်လား-မှတ်သား-သတိပါ။

       လူ့ဘ၀ကို ရရှိလာသည့် လူသားတွေသည်၊ စီးပွားဥစ္စာတွေကို ကျိုးစားရှာဖွေကြ၏၊ လူ့ဘ၀မှာ မနေရလို့ သေကြသည့်အခါ၊ မိမိရှာဖွေထားသော၊ ဥစ္စာဓနတွေသည်၊ မိမိနောက်ကို နဲနဲလေးမှ လှုပ်ပြီး လိုက်မလာဘဲ၊ ကျန်ရစ်သူတွေ ခံစားစံစားဖို့ ထားခဲ့ရ၏။ စာဖတ်သူလဲ သေမှာသေချာ၏။ ငါသေလျှင် လည်း၊ ငါရှာဖွေထားသော ဥစ္စာဓနတွေသည် ငါ့နောက်ကို နဲနဲလေးမှ လှုပ်ပြီးလိုက်မလာဘူးဆိုတာ၊ ကြိုတင်သဘောပေါက်ထားသင့်၏။

      ကျန်ရစ်ခဲ့သော ဇနီး၊ ခင်ပွန်း၊ သားသမီး၊ ဆွေမျိုး၊ မိတ်ဆွေတွေဆိုတာလည်း၊ သုဿာန် သင်္ချိုင်းသို့ သာ လိုက်ပို့ပြီး အော်ဟစ်ငိုကြွေးလျှက် ပြန်သွားကြသည်သာဖြစ်၏။ သုဿာန်ထက်ကျော်ပြီး လိုက်ပို့နိုင် မည်မဟုတ်ပါ၊ စာဖတ်သူလည်း၊ သေမှာသေချာပါ၏၊ သင်သေလျှင်လည်း၊ သင်ရဲ့ဆွေမျိုး မိတ်ဆွေဆိုတာ သုဿာန်သို့သာ လိုက်ပါ ပို့ဆောင်ပြီး ပြန်သွားလိမ့်မယ်ဆိုတာ ကြိုတင်သဘောပေါက် ထားသင့်၏။

 


Type your summary here. Type the rest of your post here.