အင်ဒိုနီးရှားခရီးစဉ် ဗောဓောဗုဓောဘုရား၏ အထက်ပစ္စယံလေ့လာခြင်း

စေတီတော်ရှိရာ သုံးဆင့်တွင် အောက်နှစ်ဆင့်သည် ပုံစံတူ လေးထောင့်ကွက်ကို ဒေါင်လိုက်ထောင်ထားသော စိန် ပုံစံဖြစ်သော်လည်း အပေါ်ဆုံးအဆင့် စေတီငယ်များမှာ လေးဒေါင့်ကွက်ကို လေးဒေါင့်ကွက်အတိုင်း ထားတာတွေ့ရ၏ အောက်စေတီတွေနဲ့ မတူ ထူးအောင်လုပ်ထားသလား ဘာအဓိပ္ပါယ်နဲ့ လုပ်ထားသလဲ သေချာစွာမသိပါ ထူးအောင်လုပ် ထားတာတော့ သေချာ၏ စေတီငယ်လှိူဏ်ထဲတွင် တင်ပလ္လင်ခွေပုံ ကျောက်ဆင်းတု တဆူစီရှိပါ၏၊၊ အောက်လေးဆင့်မှ ဆင်းတုတော်(၄၃၂)ဆူနှင့် ဤအဆင့်မှ ဆင်းတုတော် (၇၂) ဆူနှင့် ပေါင်းလျင် ဆင်းတုတော်ပေါင်း (၅၀၄) ဆူဖြစ်၏၊ ဆင်းတုတော်အားလုံး လူတကိုယ်စာမျှ ကြီးပါ၏၊၊
စေတီတော်ကြီး၏ အထက်ဆုံးအဆင့်တွင် အလယ်ဗဟိုဠ်တည့်တည့်၌ ခေါင်းလောင်းပုံစေတီကြီးတဆူရှိ၏၊ ထိုစေတီ
တော်ကြီးတွင် အရံစေတီများကဲ့သို့ အတွင်းလှိုဏ်ခေါင်းမပါသည်ကို တွေ့ရ၏ ကျောက်သားတွေဖြင့် ညီညာစွာစီထားပြီး
ကျောက်ထီးတော်ကြီးဖြင့် ကြည်ညိုဖွယ်ဖြစ်၏ ကြယ်အပေါင်းခြံရံလျှက် ထိန်ထိန်လင်းနေသည် လမင်းကြီးလို စေတီငယ် တွေခြံရံလျှက် အလယ်ဗဟိုဠ်စေတီကြီးကို အံ့ချီးဖွယ် ဖူးမြင်ရမည်ဖြစ်ပါ၏။
ဗောဓောဗုဓော၏ ပစ္စယံအာလုံးတွင် ဘုရာဖူးဧည့်သည်များ ဘုရားဝတ်ပြုရန်အတွက် နေရာသီးသန့်မရှိပါ ထိုအချက်
သည် အခြားစေတီဘုရားများနှင့် မတူသောအချက်ဖြစ်၏ စေတီတော်ကြီး၏ ပစ္စယံ ပတ်လမ်းအားလုံးသည် စေတီပေါ် သို့တက်ရောက်ရန် အရှေ့ဘက်တက်လမ်း တောင်ဘက်တက်လမ်း အနောက်ဘက်တက်လမ်း မြောက်ဘက်တက်လမ်း လမ်း ၄-သွယ်နှင့် ဆက်သွယ်ထား၏ ကြိုက်ရာလမ်းမှ တက်ပြီး စေတီပေါ်သို့ တက်ရောက် ဖူးမြင်နိုင်၏ စေတီတော်နံရံ များပေါ်ရှိ ဗုဒ္ဓ၀င် ပန်ချီသရုပ်ဖေါ် ကျောက်ထွင်း ရုပ်လုံးရုပ်ကြွများကိုလည်း အံ့သြဖွယ် ဖူးမြင်ရမည်ဖြစ်၏။
နှစ်ပေါင်း(၁၀၀၀)ကျော်က ကျောက်ထွင်း ပန်းချီကားချက်များမှာ ယနေ့တိုင် ပီပီသသရှိနေဆဲ ဖြစ်၏ ဘုရားအလောင်း တော် နိမိတ်ကြီးလေးပါးမြင်ပုံ၊ တောထွက်ပုံ၊ ဆန္ဒအမတ်ကို မြင်းနှင့်အတူ နေပြည်တော်သို့ပြန်လွှတ်ပုံ၊ ဘုရားအလောင်း တော်အား ဗြဟ္မာမင်းက သင်္ကန်းဆက်ကပ်နေပုံများကို နောက်ဘက်မျက်နှာတွင် တွေ့ရ၏၊၊ ပဉ္စ၀ဂ္ဂီငါးဦးတို့အား တရား ဟောနေပုံကို အရှေ့ဘက်မျက်နှာတွင်တွေ့နိုင်၏၊ ဇာတ်ကားပန်းချီကားချပ်ပေါင်း(၂၁၄၁) ရှိသည်ဟုဆိုပါ၏ ထိုကျောက် ထွင်း ပန်းချီကားချပ်များကို တချပ်ခြင်းဆက်လျက် စီတန်းထားမည်ဆိုလျင် (၃)မိုင်ခန့်မျှရှိမည်ဟု ဆိုပါ၏၊၊

Type your summary here.Type the rest of your post here.