Thursday, February 24, 2011
အင်ဒိုနီးရျားခရီးစဉ် ဗောဓောဗုဓောဘုရား၏စတုတ္ထပစ္စယံနှင့်အထက်ပစ္စယံမြင်ကွင်းများ
ဗောဓောဗုဓော တတိယ ပစ္စယံလေ့လာအပြီး တပတ်ပြည့်သောအခါ စတုတ္ထပစ္စယံသို့ တက်ခဲ့ပါ၏ စတုတ္ထ ပစ္စယံ၏ ဘုရားနံရံမှာ ကျောက်ထွင်းပန်ချီကား လူရုပ်ပုံတွေကို နှစ်ဆင့်စီထားတာ တွေ့မြင်ရ၏ ၀ရန်တာနံရံမှာတော့ တဆင့်သာ တွေ့ရ၏ ၀ရန်တာလက်ရန်းပေါ်မှာ စေတီ ကျောင်းဆောင် ရုပ်ပွားတော်တွေ ရှေးကအတိုင်း ဖူးမြင်ရမည်ဖြစ်၏။
စေတီတော်၏ စတုတ္ထ ပစ္စယံမှလည်း စေတီတော်၏ ခြေတော်ရင်း အောက်ခြေကိုမမြင်ရပေ ၁၁,၆၀၀ ကုဗမီတာရှိ သော ကျောက်တုံးများက ဖုံးအုပ်ထားသည်ဟုဆို၏ ၄င်း အပြင် Karmawibangga (ကာမ၀ိဘာဂ) မှ မြတ်ဗုဒ္ဓ၏ ဗုဒ္ဓ၀င် ဇာတ်လမ်းများကို ဖေါ်ပြသော ၁၆၀-အရေအတွက်ရှိသော ကျောက်ထွင်း ရုပ်လုံးရုပ်ကြွများကလည်း ဖုံးလွှမ်းထားသည် ဟုဆို၏ တောင်ဘက်ပိုင်းတွင် ခြေတော်ရင်းတပိုင်းတစကို ထင်ထင်ရှားရှား ဖေါ်ပြထား၏ ထိုကဲ့သို့ စေတီတော်၏ ခြေ တော်ရင်းကို မမြင်ရအောင် ဖုံးကွယ်ထားခြင်း၏ ရည်ရွယ်ချက်ကိုမူ ယနေ့တိုင် ပဟေဠိ ဖြစ်လျှက်ရှိပါ၏။
ဗောဓောဗုဓော တည်ဆောက်ပုံသည် ထောင့်တိုင်းတွင် ထောင့်ကျဉ်းတခုစီဖြင့် စတုဂံ ပုံသဏ္ဌာန် တည်ဆောက် ထားခြင်းဖြစ်၏ ပဉ္စမ ပစ္စယံ ၀ရန်တာအထိ စတုဂံ ပုံစံဖြစ်၏ ပဉ္စမ ပစ္စယံစ၍ စေတီတော်၏ အပေါ်ပိုင်းကို စက်ဝိုင်း ပုံသဏ္ဌာန် ကျောက်ထီးဖြင့် တံဆာဆင်ထားသော ခေါင်းလောင်းပုံ စေတီငယ်များဖြင့် ပတ်ပတ်လည် ၀ိုင်းရံထားသော ပစ္စယံ အဆင့်သုံးဆင့်ရှိ၏ ။
စေတီတော်၏ ဆဋ္ဌမအဆင့် အ၀ိုင်းပုံသဏ္ဌာန်၏ ပထမအဆင့်တွင် ခေါင်းလောင်းပုံ အရံစေတီငယ်များ အစဉ် အတိုင်း (၃၂) ဆူရှိ၏။ စေတီတော်၏ သတ္တမအဆင့် အ၀ိုင်းပုံသဏ္ဌာန်၏ ဒုတိယဆင့်တွင် ခေါင်းလောင်းပုံ အရံစေတီ ငယ်များ အစဉ် အတိုင်း(၂၄)ဆူရှိ၏ စေတီတော်၏ အဋ္ဌမအဆင့် အ၀ိုင်းပုံသဏ္ဌာန်၏ တတိယအဆင့်တွင် ခေါင်းလောင်း
ပုံ အရံစေတီငယ်၊(၁၆)ဆူ၊ရှိ၍ စုစုပေါင်းခေါင်းလောင်းပုံ အရံစေတီငယ်(၇၂)ဆူရှိပါ၏၊၊
ထိုအရံစေတီလေးများမှာ အုပ်ဆောင်းပုံစံကဲ့သို့ နံရံတွင် အပေါက်ငယ်လေးများပါရှိ၏၊ ထိုဘုရား၏ ထူးခြားချက်များ
တွင် ဤအရံစေတီငယ်များကို ကျောက်တုံးတွေကို လေးထောင့်ကွက်ပေါ်အောင်ထုဆစ်ပြီး အဆင့်ဆင့် ထပ်တင်ထား၏ စတုဂံအကွက်ကို ဒေါင်လိုက်ထောင်ထားသော ပုံစံဖြင့် ဘုရားငယ် လှိူဏ်အတွင်း တိုက်ရိုက်မြင်ရအောင် ထုဆစ်ထား တာလည်း ပညာသားပါလှ၏။
Type your summary here.Type the rest of your post here.
Subscribe to:
Post Comments (Atom)
No comments:
Post a Comment